إقامة جبرية
من مذكرات مريم
الجزء التاسع والسبعون ...
طبيت من باب المطبخ اول من انفتح الباب
صارت بوجهي تماضر ...ووراها اخلاص ...
المطبخ واسع ومتروس نسوان
مشفت احد من الي اعرفهم سوا هالزوج
تماضر ..شلونج حبيبتي مريم
ولاكأني سمعت او شفت تجاهلتها والواكفات انتبهن
رفعت الصايه ومشيت جوا.. الشال وكع عالاكتافي
فتت وجان اشوف الكل كاعد
عمتي وام سليمان والبنات ورداسه وام تماضر
طبيت سلمت وام سليمان من شافتني ضحكت بوستني
...امانة الله ورسوله برگبتها كلمن ادحكلها وماتصلي عالنبي
هي حجت هيج واني سحت جوا هدومي من الخجل
رداسه كاعدة بالصدر يم عمتي رحت بوستها
يولي حرمة خويلد شهالحلا
تبوسني واني خدودي احسهن نار
عمتي سحبتني يمها سوت مكان وكعدتني بنصهم
احس سكتو ماكو سوالف
نوال ....اللهم صلي عالمحمد وال محمد
محصل ابو شهم ربي يحفظكم يحرسكم من كل عين
بيان اجت سحبتني كمت وياها ..يولي حسابج يمي امشي لشوف
تسحب بيا واني عيني عالكعب لا اوكع
طببتني للغرفة كل البنات كاعدات
جنان ...يولو اصوفر لو امي تجي تقندرني
ايمان ..ونحن عبالنا ماتجين ددحك الجمال شهالفستان عجل الاسود وينو
..حلا وهي تحط مكياج وتحجي
مو كتلكم خويلد ميرضى مصدكتوني
طبت نوال ...وكفت وادحك بأبتسامة متروسه قهر
لا مبدلة ولا متحضرة
ام محمد تعااالي ..اجت كعدت عالتخت وطلعت المكياج واني جنان مكيجناها
والبنات نطوها شال مرتب وصايه طلعت غير شكل
ادحك لنور لابسه فستان مال حوريات
حصر ومن جوا من...يم القدم كشكاش وحلا مشتغلتها تنمر وتكول الها فستان الرگاصات
ومخلية مكياج قوي مخرب جمالها الا جنان مسحته ورجعت مكيجتها
َكعدت وياهم ..وجان اطب اخلاص
كبل من شفتها كمت طلعت وعفت المكان
كعدت يم عمتي ويا العجز وسوالفهم الي تجنن
طب نايل ....يحجي ويا ام سليمان
يكول الها جهزنا السيارات اذا كملتو حتى تطلعون لبيت العروس
وام سليمان هيرت الكل ...كلها لبست الشالات
دك جهازي دحكت هذا خالد
..ها حبيبي
...ها يبوية ..لتصعدين وياهم ابقي
..ها ليش
...هسه ادزلج واحد من الولد صعدي وحدج
لتختلطين بأحد
...اي تمام
...والله بعد مالكل طلع بقت بالبيت بس رداسه وعمتي مكدرو يرحون
وطب نايل ..اشرلي ..كبل كمت طلعت
....صعدني ويا ريان وحلا
وطلعنا لبيت العروس
اني اخذت زاوية بصفحة مستمتعة اشاهد الكل من دون مااشارك
البنت الي هي العروس كلش حلوة واهلها مبينين ناس طيبين ملامحها وفستانها فد شي مرتب
