إقامة جبرية
من مذكرات مريم
الجزء الواحد والسبعون ...
نزلت نور تاخذ ماي دافي
...شكو
جنان..العوبة اخلاص اجت سممت عالمكرودة وطلعت
نور...ختولي والله ذاك اليوم اتصل بيها ...
..اي
...لاولاشي
...احكي اشكووو
...عززززا راح توكع بررررراسي
ام سليمان ...شكو نور امي احجي ..
..والله خالة نايل اذا يدري بيا حجيت والله يبهذل احوالي
جنان...احجي نور بس نفهم شديصير
اني شامة ريحة مؤمرات
تعالي كعدي
كعدت ونحن ندحك بكل اصغاء نشوف شنو تحجي
نور..والله من كبل لنرجع عمي اتصل بيها وحول الها فلوس
واتصل بفيصل وبلغو كالو انه رايد اخلاص لخالد وزواجهم اريدو ويا زواج حلا
ام سليمان ...اي مو شي مهم
المهم هو خالد ...دحكت علياا
مريوم الحل والربط بيد زلمتج
لتخافين حبيبه
..واذا عملها وصاغت من تمام
...متصير وعيونج ...خالد ميسويها
..................مرت الايام ولا جديد يذكر
راكان وريان رجعو للرمادي وبدو يرممون البيت
ونايل كمل البيت...وعمتي وهيام وحلا رجعو للبيت
بيومها نايل جايب النا صور البيت قبل وبعد
يمكن قبل ولا عبالك هو نفس البيت مكسري وحاركي كلشي ممخلين وكاتبين عالحايط بيت رافضي ...والصور الي بعد يمكن مرجعي احلى من قبل لا يحترك صارفين ملايين لحتى يرجع
اثاث وابواب وشبابيك حتى السيراميك مبدلي
نايل راد ياخذ نور لكن هي رفضت ترجع
وهو اصر ترجع
وكل واحد منهم كان اله اسبابه
سبب اصرار انو ترجع وياه ..هو المصرف والمعيشه
وميكدر يعوف العلويه وهيام وحلا
وهي رافضه ترجع بسبب المشاكل وتريد ترتاح وطابت الها الكعدة ويانا
ألت الامور الي خضوع نور لامر نايل وبالفعل
حضرت كلشي وبوستنه وطلعت بعيون مدمعة
من راحت نحس البيت فرغ
صوت الجهال وضحكها ودمها الحفيف
افتقدناها بأول الايام
..اما نحن فتعودنا عالعيشة بغداد ..وبين قوسين
مابعد يهل النا نرجع ..
لكن بيوم اتصلت عمتي عالام سليمان ...:
وطلبت تحجي وياي
..شنونج مريم
...هلا عميي بخير اذا انتم بخير
..اگولن ..خوياد همين يخابرچ ..؟؟
...لا والله عميي ماكو خبر ..ليش صيغ شي
...شوكت تردين ...؟؟
...من يرجع خالد
...شنون بله وبلجي تأخر ..هاي مو نحن ردينه شطعمها چاعدة بنص عيله غربه عنج
..لا ماغريب الا الشيطان ...وبعدين خالد موصيني ابقى لبين مايرجع
...هذا مو حجي اليوم تعرفين شنهو اليوم
يجي نايل حزمي غراضج وتردين
