مذكرات مريم
الجزء الثامن...
هي ترزل واني مثل الاطرش بالزفه
كالت مو صوجج صوج اخويا الي مايخجل
دتحجي...وسكتت فجأة .....اشوفها جمدت
خالد :اي كملي ليش سكتي .؟؟؟
نازك : تحجي بتوتر ابو شهم اني ماريد يجيكم حجي
والله حسها مسموع تالي الليل كلنا كاعدين
خالد : تنصحيها هيج؟؟؟؟
اتقرب ويكول ...ومنو هذذا الي ميستحي وميخجل
اتقرب الها ....واني صايرة بالنص يريد يوخرني حتى يكمشها
بكل عين صلفه ظهرت شخصيتها ....... من كالت
زلم تالي وكت ..اخوك ترابه نددي
وانت تتونس...
ماحسيت الاهجم عليها
اريد اخلصهها وهو يصيح بيا... يوووول اكحززززي ليغاد خليني اربيها لهالداشرة
عالصوت الكل اجو للمطبخ
وهي متسكت .. تغلط وتدعي
واني حاضنه خالد من صدرة بس اريد ادفعه اطببه
تكول ادفع حايط ...
اجا نائل سحبه....
واني اكول الها.. فوتي جووووا لايضربكي
نازك : خلي يضربني حتى نجيبلج حنة كح.....
طب عمي شايل النعال ..... وبالنعال ضربها بدون مايعرف شسالفه
بس من سمعها تتلفظ بكلمات محلوة
شبعها نعل .....ومسبه اكلت كتله مرتبه
خالد سحبو للاستقبال ....
اني شبعت قهر ...
هي طببوها جوا ... حجت حجي يخزي
تكولي انت الليل .... وانت م..... كح..... ام الر.....
كل هالغلط واني صافنه ..شنو من صلافة ... شنو من بشر شهالكلام ... شلون تكدر تتلفظ بي
عمي طب للاستقبال .. وطلع نائل
نائل طبعه هادئ كلش وميحب المشاكل .. واخو خيته وميقبل الغلط
الناس تسمي ابو فزعة من كد ما حباب
ويفزع للغريب قبل القريب
طلع محتقن من الغرفه ....
نازك كاعدة وامها يمها
والعلوية ترزل بيها ..
طلع نائل يحجي وياها بكل هدوء ...
نائل : يعني نازك هسه هي هذة ندارة من تتجاوزين عليه؟؟
اخوج اكبر منج .. ليش هيج
نازك :انت لاتسود وجهك.. لاتدخل
هي حجت هيج .. وكمشها نائل من شعرها تناوشها راجديات وجلاليق
سكطها كتل ... ماعافها الا وجهها مصبوغ دم
اني وهيام صرنا نسحب بي .. هيام تمددت بالكاع
وام عبسكة تصرخ
ما وكفه الا صوت خالد .... كاله نااااائل اتركها
طببتها امها للغرفه ...
الحجي . .بعد ما عرف شنو بنته مسولفه
طب كال يلا برا كل وحدة لبيت زلمتها انتي وذيج الخ
