مذكرات مريم
الجزء الثاني عشر...
مديت الصوندة وفتحت الماي ...
تقريب ماخلصت وصلت يم الباب
شو صوت ماطور .. دراجة نارية..
وكفت يم بابنا ...
انذب من فوك الباب ورقه وكعت بقوة بالكاع
فتحتها بذاخلها طلقه وتهديد...
ربي ارحمنا ... اذا هالورقة شافتها عمتي راح تنجلط
واسوي قلق بالبيت
سديت الماي واخذت الورقة وطلعت
بس الخوف متملكني ..شعور مينوصف
طلعت من خوف الي انفرض عالاهلي
اطب بخوف ابشع
طلعت فوك ... دكيت الباب ماكو رد
اجاني صوته من الصاله ...اني هينا يبعد اهلي
كاعد يمه اوراق وهوسه عالطبله ومخلص كوومة جكاير
بس اتقربت منه شك اكو شي....
.. شكوو مريم ...؟؟
شبيج...؟؟
... خالد عدغسل الطارمة وهذة تحلقت من فوق الباب...
.. فتحها ..
كل بالي يقلق لو يسوي ردة فعل
شو هذا ولا اهتم صفطها وحطها بجيبه هي والطلقه
... من كل عقلك ....؟؟
..خوما العلويه عرفت ...؟؟
خالد محد عرف ... بس لتستهين الله يخليك
... تعرفهم انت...؟؟
... يولي ذولا جم صعلوك ينراد الهم فركت اذن
.. يعني تعرفهم ...؟؟
... وغلات هالعيون الي مااحلف بيهن جذب
اليوم اسحلهم ...
.... هسه ما كافي عليا خبر روحتك لتكريت
انا وين انطي وجهي تطلعلي سالفه تهديد
...لزمني من خدودي ... اروح فدوة لهالوجه
لتخافين وليدي .... والله ماكو شي
باسني من راسي
اليوم شنو غداج ..؟؟
..بعد ما ااعغف اشعمل
وبعد هالموقف ولا ايدي بعد تمسك شغل
رفع ايدي باسها ...
... اليوم اني اساعدج شتكولين ..؟؟
.. خالد اخاف يأذوك ..؟
..يأذون منو يولي ... بس الي خلقني يكدر ياخذ اجلي بهاللحظة
... هي هذة ثقتك الزايدة تخليني اقلق
واستهانتك بالموضوع راح تجيب على راسنا البلا
