إقامة جبرية
من مذكرات مريم ...
طبيت للمطبخ شفت شي ممتوقعته
كاعدة عالميز وكبالها كوب الجاي والريوك
لابسة دشداشة كشمير سودة
التفتت الي بنضرات جمدتني بمكاني
مبتسمه بخبث ..صباحج خير ام وسيم
انتي اشعدددكي ابيتي ....؟؟؟
...يووو كولي مرحبا كولي هلا
قومي اطلعي بررا منو فوتكي اصلا
سحبتلي كرسي ..تعالي كعدي ولا تنحمقين ليرتفع السكري
...قووومي اطلعي براااااا
...اهدي ام وسيم ...انه هينا حالي من حالج
...حال ايش من قصف عمررركي الهي
.....مثلي مثلج وخالد قشمرج وبعده ممطلكني
تاكل وتضحك
..ههههه اطلعي برا فوق الوقاحة هم كذابي
...التفتت تكمل جايها وتأشر بيدها تعالي يولي نتصافه ونصيرن حبايب
ادحكلها وممصدكة الي سمعته وممصدكة الي داشوفه
عفتها وصعدت اركض عالدرج طبيت اخذت الموبايل واتصل بخالد متخصرة واروح وارد للبلكونة
....الووو
...صباح الخير بوية
....خالد هذة اخلاص جتتتت وماخذذذة راحتهااا وتقول انو انت بعدك ما مطلقها
صحيح هالحكي....
....احجي بطيئ شوي شوي وفهميني بالهداوة رطن لترطنين ..تماما بابا...!!!هسه شسالفة
....انا الي اسئل شسالفة ااااحكي صحيح كلامها
لاخلاص تقول خالد مامطلقني
...هدي يروحو لخالد....هذة من الصبح اتصلت حلا
بلغتني ام عباس تريد تجي تشوف احفادها
واخلاص تريد تسلم عالهيام
كلام ديستفزج عوفيها خلها تولي ساعتين وتنگلع
...خاااااالددد لا تخليني اكفر بساعة الي شفتوك بيها
كلامها صح لو لاااا
...وحگ داحي الباب مطلكها بعد؟؟؟
..قلبي مامطمن خالد
....اسمع صوت واحد يحجي ويكوله سيدي جاهزين
...يله بابا من يصير بيدي مجال اتصل بيج
...خاااالد وووقف لاتسدددد
سد بوجهي ..سديته ودمي محترك
تخصرت وارحع بشعري ليورا
وسيم كعد يدحك عليا مصدوم
...اخذته للحمام سبحته وطلعت ماريد انزل واشوفها
بقيت بالغرفة واجاني اتصال من خالد
..اي مريم
...تسدو بوجهي خالد...
..صارتلي طلعة مستعجلة ..هدي ونتفاهم
...لا مانتفاهم انا هالامر مااتفاهم بينوو
...صار
...تتصرف انت لو انا
...مريم يازززي لتكبريها اجت تسلم حالها حال اي ضيف ..ليش كل العلاقات لازم تنتهي بمشكلة
..تمام تمام
سديت الخط واخذت وسيم ونزلت
شفت ام عباس كاعدة بالصالة
واخلاص يمها
