مذكرات مريم
الجزء الخامس والعشرون ...
ادحك للسكف والم اسفل ظهري قوي
حسيت شي نزل مني شي حار ترس الفراش
هيام انا عدنزف
يماااا اسم الله الرحمن شجالج شو وووخري
دفعتني عالصفحة الخ ..شافت نازل شي قليل
كووومي بدلي حتى نروح كوووومي مريم
سندتني للحمام غسلت وبدلت
وكعدتني بالصاله
وراحت نزلت جوا شويه وصعدت وياها خالد
اجه مسرع عاقد حواجبه
خوما نزفت جثير..؟؟
لا قليل بس خلنروح عالوكت
اجه يمي مد ايده يكومني رفضت حاول يسندني مخليته
فتح الباب ونزل كبالنا
نزلت اني وهيام والم التقلصات موتني.
عمتي كاعدة ويا رداسه
شكلها ضاجت وانقهرت عالوضعي
ونور ونوال الا يردون يجون بس هيام مقبلت
خالد طلع كدامنه وطلع نايل
تحتاج شي اجي وياكم
..لاخياي من احتاجك اتصل بيك
صعدنا مشينا وهو عاقد حاجبه يدحكلي بالمرايه
متوجعة...؟؟؟
يولي بس احجي
.. وعلساس تهتم ..؟؟؟
خليها ابالك اذا الطفل نزل اعتبر هذا اخر يوم اعيشو معاك
لان طفح الكيل منك ومن اسلوبك ومن اهلك ومن كل بيتك
هيام... هدي مريومة امي
..لا مااهدي ... كل يوم اعيش بينو بنصكم
انا عدكبر عشر سنين
..ياامي شصار عليج دكولي يالله
خالد...عوفيها ام علي شتحجي حقها
حقها عليا اني
وصلنا الدكتورة طبينا وهو ظل ينتظر
طبيت لدكتورة سوتلي سونار من شافته كالت نازل الجنين
ولان اصلا شهر كلها ٤ اسابيع
فمااحتاج اي كورتاج
نطتني كبسول وابر ومقويات
وطلعت احس كل اعضامي توجعني
واكثر شي التعب برجليا وظهري
هيام من طلعنا كعدتني عالصفحة
الله عليج ظلي اجيب العلاج واجي احجي وياج
قبل لا تصعدين
عافتني وراحت بقيت كاعدة
تفكيري حسم الامر
لهنا وبس
شويه واجت بيدها العلاج ..
وعصير ...هاج بلي ريكج شفايفج بيضت خايبه
كعدت يمي...مريم اذا تحبيني سمعي مني
....ممكن انتي تسمعين مني ولا تزعلين
اذا تحبيني انتي لاتزعلين
حتى ثقة بيكي مااثق ولا بأي بشر يخص خالد
....يااا ليش يولي وانه اعتبرج بنتي
....ههههههه والله كلتكم
شايفيني متعة تسدون بيها نقص المريض النفسي اخوكي بلكي يعوض الحرمان المان عايشو
...هدي ياامي
...اذا انتي صادقه وتثبتيلي عكس رأي
ممكن تقليلي اشنو العلاقة الي تربط خالد وتماضر
