مذكرات مريم
الجزء الثاني ...
رجع كعد كال بالحرام يول مااطلع من هينا الا احلها
اشر البابا ابو زكريا خلهن يطلعن اريد اتفاهم وياك اني هيج مااكدر اسولف
بابا كال مريم سوي جاي بنتي
كمت عيني اجت بعينه فد نضرات وكحه فصلني من فوك لجوا
طلعت واني كلبي يخفق بقوة اول مرة اتجرأ
صوتهم صار عالي شويه وطلعو
طبيت للغرفه ماما متربعه بالكاع وشعرها واكف احسها انتهت
وي ماما كافي والله ربنا مايعوفهم
هسه اخبر على زكو مايرجع بعد
مريم هذولي ماتلهم ميت
يعني حق باطل مايعوفونه
وين وصل الحل يوم؟؟ اشتفقتم؟؟؟؟
مااتفقو راح يرجعون مرة الخ
تحجي وتبجي وتضرب على رجليها
طب بابا
ام زكريا كافي والله ميفيد عتأذين صحتكي هشكل
اشعمل ددداااده دفنت واحد والخ مطلوب دم
بعد المات ريحتو بحضني
امي قفلت انتهت وحقها هالناس الي فاتت بيتنا شكلهم شر وناويين عالشر
بابا.....
ها بابا
عندي حل ... ليش ما زكو يمسك محامي ويسلم نفسو واكيد اكو شهود
بنتي هذولا عشاير يعترفون بمحامي
لكن اشنو يابابا الدوله بيها قانون
نضرلي بخيبه ... قانون هو نحن مانعرف مصيرلنا على هالاخبار
من بين حديث عقيم خالي من اي حلول
طبيت اتصلت بساره .. سولفت الها
كالت تنحل والله
كتلها شفت منام قبل كم يوم
وبقى ابالي
سولفت الها المنام
هي تفسر ...
كتلها خير؟؟؟
سارة متحجين ؟؟؟
اخاف ماما تموت !!!
ردت عليا لاااا عابت لا تفاولين بالشر
كلو خيرالله يفك ضيقكم ويفرج عنكم
ويبعد عنكم كل شر
مريم اقري سورة الفاتحه ٧ مرات
والمعوذات والكرسي كل يوم
انتي مؤمنه بدينه والله يبتلي العبد حتى يسمع دعائه
ادعي كل ضيق بعدو فرج
اليوم تضيق غدا الله يحلها
سديت منها واني احس من اسولف وياها نص همومي تذوب واحس الدنيا بخير
ياترى شنو راح يصير
اتصلت بخالو لان اتصل بزكريا ماكو
كال طلع لتركيا ليظل بالكم
مر اسبوع على اعصابنا
ودك موبايل بابا
ابوهم يتصل
بلغنا بالحرف ... ابو زكريا بلغ ابنك اذا طلع لشمال نجيبو
واذا بتركيا هم نجيبو ماعدنا حل انت انسان غير متعاون
رد بابا ... ابني راح يرجع
والقانون فيصل بينا
كاله يرجع حتى باب المحكمة ارجع حق ابني
وسد الخط
