أقامة جبرية
الجزء التاسع والاربعون ...
سحبني من ايدي بعصبيه كبل فلتت ونزلت
ارجعي اصعدي وعيدي الكلام ااااصعدي لاانزلج
سديت الباب وهو يتهدد
...وحق دين محمد فلا افوتها الج
بالحرام لحاسبج بعدين ..
نزلت وصار بوجهي سليمان
كل الهلا بأم شهم
فتحلي الباب وصاحهم
طبي ليش واكفة
فتت وعيني عالخالد كاب نار
تلكتني ايمان ..ياهلاااا ومرحب
زارتنا البركة بوستني
والله هساعين جنا نحجي نكول لو تجي تمر
...وليش ماتجون انتم
...عدكم عكرب بالبيت هههههههه
طبيت وطلعت جنان وبيان بوسوني
الام جانت تصلي
من خلصت تهلت بيا
بذاته يالمصلاويه يولي ماتمرين
..والله خاليي مشاغل وما طقتو اجي كنتو مريضة
..ماعندج الا العافيه الهي
تعرفين من سليمان يسولف البنوات كيفن كالن خلها تجي وتظل
...والله انا محرجة اخاف يعني اكون قيد عالولاد
...بيان ليش هما يكعدون نهار كله طافرين
ام سليمان... شلون صار الحجي
..والله خاليي ماغشعتونو
جيتو كبل
...ليش شصاير بينكم ذاك اليوم ديسولف سليمان يكول مشاكل
...صفنت هي صح المرة حبابه وبنت اوادم بس خفت احجي وتطلع سالفة وتعال الي يخلصني
...خاليي مشاكل بيت ...وبقت واردة
...الله يهدي سركم يمه
..تسلمين خاليي
جنان سوت جاي ومسويه فطاير=عجين بالدهن
واحلى عصرونيه لمريومتنا
صبولي جاي وكعدنا سوالف عاللهجة والدراسه والجامعة ووالمنطقة والصديقات
وكوووومة لحد ما وصلنا لسالفة سليمان
ام سليمان ... اريد افرح بي وهو قافل يا البغداديه كرابه العلويه يا مااتزوج
ايمان ...عشكها وميعرف عنها شي
ومن بعد سوالف حسيت ضجت
اريد ارجع وتقيدت
اني اطلع خطار ساعة ساعتين مو مال ابقى
احس اريد عمتي لو خالد
شلون زرعني هيج زرعة وراح ولا يحس ....ولا يكول تخجل تستحي بله ناس غربه بالنسبه الي
وجنان انفتحت سوالف متنسد راسي انصدع
شافوني ساكتة ...
بيان ...مشينا نطلع للحديقة
طلعنه كعدنا بالحديقة
للمغرب وطب ريان سلم عليا
...شلون هوسة بيتكم االه يعين
بيان ..ليش منو عدهم
....يبووو كولي منو مو عدهم
الله يعين ابو شهم
حتى عمتهم ام تماضر جايه
