إقامة جبرية
من مذكرات مريم ...
حلا: شوفي مريومة ،اخر شخص افكر اتصادم وياه هو انتي فخلينا حبايب
...حبايب...؟؟ هالكلام توجهينو لنفسكي قلبي
لان انا عطيتو رأيي منو عطاكي الحق تغيرين شغلات بغرفتي
...يبووو علينا راح تبجي ،حبيبتي اولا انتي اصلا مجنتي هينا ، ولاتدرين ب فتره الكابه اللي مرينا بيها واني حبيت اغير شويه من اجواء البيت
ردت اطلع ابوي من الحاله اللي هو كان بيها فهسه انت المفروض ما تنزعجين ولا تكونين حديه بالتعامل
وثانيا عزيزتي اني مو غريبه مهما كانت مرتبتك بالنسبه لبابا فهو اول تالي البيت يبقى بيت ابوي
والنقطه الثالثه اتمنى انه ما تكونين حاميه ولا تاخذين بنصائح غيرك لان اني متاكده انه اكو من نصحج انه تفوتين براس حار ..
على اعتبار البيت ما بي كبير وانو انتي صرتي ام البيت هاي الفقره انسيها اذا اكو كبير بهذا البيت فهو ابوي ونحن كلنا نمشي تحت طوعه فما لها داعي تكعدين من اول يوم تؤمرين شنو اللي يتنفذ
وشنو اللي ما يتنفذ.....لتزعلين يعني مو انتي اجيتي العصر وتردين قصر
وكلامج اللي گلتي مردود عليج
..ماشي قلبي اعملي مثل ماتحبين براحتكي
هم صح كلامكي هذا بيت ابوكي
...لتزعلين مني مريم يمكن جنت قاسيه وياج بس حتى لا نتصادم بعدين
...اي ليش لا ..نحن مانتصادم ولاانا ازعل منكي
لان انتي اعتبركي اختي الاصغر مني
ادحك لهيام ما تفوهت ولا بحرف ..ونور عيونها تغزل حجي وكأنما تترقب الاحداث
كعدت وفكرت بكلامها ..هذة مو مال اتصادم وياها واتعارك خليها تسرح وتمرح بكيفها ..وبعدين تتعلم الدرس
راحت ويا نور يحظرون العشا
وهيام كاعدة بيدها السبحة وعينها بالشاشه
واني صافنه حسيتها دحكتلي وبقت ملتفته عليا
مالتفتت الها ابد ..ولا سويت نفسي شفت التفاتها الي
...مريم حبيبتي
..نعم
...لتزعلين منها
..اتصور حكيتو معاها وقتولها ما زعلاني
...اي فدوة لكلبج انتي ام گلب الجبير
...هزيت راسي وعيني عالوسيم يلعب ويفتر
ويرجع يجي يمي ..ضايج مستفقد نرجس
اخذته بحضني واتصلت فيديو وقبل لااتصل نطيتها مسج حذرتها خاف تجفص شي لان الفيديو صوته يطلع
من شاف نرجس صار يصفك
...جدة ..ويرفرف
وهي تلاعبه وتحجي وياه
طلع خالد شافني اتصل نهيت الاتصال
...مريم تعالي
..اي
خليت وسيم يلعب وصعدت وراه
...طبينا للغرفة ...
..هاحبيبي
...هذا التراك قيدني ..طلعي الي غير ملابس
...صار
طلعت اله ملابسه وساعدته ينزع
مد ايده اخذ الشاش والضماد
...ابدلك هو
...تكدرين
..علمني
...لا صيحي هيام لو حلا
...وانه هوني اشنو
