مذكرات مريم
الجزء الثالث ...
جمدني بمكاني
كتله اشبيك
والله اقصد النضاره.. خنسني
يما شلون عصبي ..
اجت امي كالت بالخير يوم مريم وطلعنا وهو وبابا يتمشون كبالنا ... اباوع فرق الطول بينو وبين وبين بابا.... فرق شاسع ماشاء الله ..
صعدنا بسيارة ... وقبل ليحرك
سئل امي وجهلها الكلام بدون ميذكر الها اسم اصلا لاعمه ولاخالة ولا ام زكريا
كال اكووول يابه ..... منين تاخذون الذهب ؟؟؟
كالتله من سوق الصياغ
رد كال وبما انو الزواج بدافع خير ان شاءالله وويكون بصورة شكلية.....
وانه بصراحة اجهل تماما التطورات الي قد تحصل بالمستقبل
الدنيا بيها حياة وموت
مانعرف ايمت الله يتوفانه ...
وانه ماااعرف اصل بيتي لا
امي كالتله تصل بسلامه ياامي
كمل كلامه وكال هالشي يدفعني لازم اضمن حق بنيتكم ومااغبنه ..
انه مااتفقت وياك عمي عالمهر ... وهي هالبنت الوحيدة وغلاتها ان شاءالله من غلات حلا بنتي
فا الي تطلبو انه حاضر ومااقصر ..
امي جاوبته .. حشاك من القصور ابو حلا
رد ويباوع عالمرايه
ابو شهم يابه ...كولي ابو شهم
سكتنا وطلعنا للصياغ سوق كله صياغ قريب من سوق السرجخانه .. نزلنا وطب هو الي اختار
اخذلي تراجي وخاتم وزنجيل بالمصلاوي نسمي (قردول) كلش ثكيل
واخذ لامي خاتم ليره ... امي ماقبلت ورفضت
لكن هو عند عناد وكال متصير ابد
عنده وسيله لاقناع المقابل
كالتله بكيفك
خلصنا ورجعنا .... بابا كاله لتروح ظل اتغدى يمنا
هو رفض وكال لازم ارجع ..ونحدد موعد بأذن الله فيما بعد ونبقي عالاتصال
وصلنا للبيت وسلم وراح
ماما من طبت كالت طلعي كبة واقليها ابوكي (مامتغيق =مامتريك) ماظل شي عالوقت الغدويه حتى ياخذ علاجو..
هي راحت يم ابوي واني بدلت وطلعت غسلت ...
طبعا دماغي فاصل عن العالم وتفكيري فقط بي
كملت الغدا وكعدنا ناكل
امي احسها مامرتاحة احسها بين ناريين
فتحت الموضوع نحن وناكل .....
ابو زكريا اغيد احكي معاك بامر محيرني
رد خير ام زكريا ؟؟
هذا ابو شهم ليش مااقترح الخطبي والزواج قدام كل اهلو ؟؟؟
ليش احسو انفرد بالحل ؟؟؟
ام زكريا الغجال شكلو متساعد وماراضي عالشي الي صار
جاوبته امي شلون ماراضي ليس هو مايعغف اخونو يشرب المنكر ولد ازعر منحط
رد بابا :هسه الولد مات ياعيني
لو اهلو غادو دم بدم تفرطين بزكريا!!!
يعني لو غادو ديه نحن اشنعمل ؟؟
انا برأيي هو ضم حلولو عن عشيرتو لان يعرفهم ماخوش اوادم
وابو المثل اش يقول يا ام زكريا ؟؟
(يقول الميت ميتي وااعرفو اشون منبوش صفحة)
