إقامة جبرية
من مذكرات مريم
الجزء الخامس والسبعون ....
نور ...اني مجنت موجودة يوم الي اجو
خالد ..خل اطلع هسه ومن ارجع عود الله كريم
وافهمك شراح تسوي
طلعنا لبيت ام سليمان
...خالد اشنو غاح تعمل
.....حبيبي خل نوصل والله كريم
...وصلنا ..وكلش فرحو بينا ورا العشا كعد خالد يسولف..عالنفس السالفة مالت الحادث
وسولف الهم عن نازك طالعة بالتصوير وهو متأكد هي من ساعدت امها
...سليمان مو انه كلت اكو من مساعدها
وللعلم ام شهم من اتصلت بأمي اول مرة عرفت راح يأذوها
بس ماجنت اضنها توصل بيهم للحرگ
خالد ...والله ياابو داؤود كل البلا من الحجي
ابتلانا بلية
ايمان ...ولو مالي حق ادخل بس ابو شهم ليش مترفع دعوة عليهم
سليمان...يولي هو صح الي سوو جبير ومينحجي
بس الدعوة راح تهجم بيوت ...الناس تاخذها شغله شرف
اذا انرفعت الدعوة بنات ام عباس كلهن ينجرن للمركز
وطبت المركز جبيرة
هو نحن شمسكتنا تمنيت الي مسويها زلمة
الا ..استغفر الله واحد ميكد يحجي
الجيفة منا وبينا
راكان ...ابو شهم وشراح تسوي
خالد...والله يخوي انه سالفة طلاگها وعزلة امي وابوي من البيت مابردت گلبي واحس مسويت شي
هالاجراء جان لازم اخذو من زمان
اجراء طبيعي هذا مو عقوبة
بس شلون راح اخليها تعترف ماادري
...مصيبتهن مصيبه ...ماعلينا ..اخبار العلوية
خالد ...تتظاهر بتصرفاتها بس هي من داخلها زعلانة ...وهذا العلاقة الوحيدة الي مداكدر اوازن بيها واكع بين نارين ومدالگه حل تل الواحد يعيش بهدوء
سليمان ..اكو حل بس اذا احجي يمكن ام شهم تكفر بيا
خالد ...لالا مريوم متفهمة وتسمع الكلمة..مو گليبي
هزيت راسي ب لاااا
خالد..شفت ابو داؤود شلون متفهمة
سليمان ..يولو بعد محجيت كامت تحقد شلون ادحك
...احجي معليك بيه
...خليها تزوجك وفضها ههههههههههههه
....قوم خالد نرجع لبيتنا
سليمان ..ههههههههههههههه خرب بالحظ يول بعد الزلمة ماحجى
خالد...انت ناوي تحط عالنار حطب هو اخييك بلا دف يلعب جوبي انوب دف شدو روسكم
...ليش اشعيملتلك انااا
...ول معيملة شي بس انه قصدي خل اطلع من حگج واكدرلج وبعدين عود افكر
