مذكرات مريم ..أقامة جبرية
الجزء السادس والثلاثون ...
حبيبتي اذا عندج واتس ثواني وادز الج صور يمكن تستوعبين اكثر
..اي
خزنت رقمج هيان ..اني اكول سدي الاتصال واتمعني بالصور وارجعي اتصلي حبيبتي
كبل سديت الخط وطبيت للواتس
صور مو صورة دزت
اول صورة لابسه بدي لطش بيجي وتنورة هلكوتها واكفة ويا خالد ووراهم شجر وهي ميله راسها لصدر خالد
وصورة الخ كاعدة يمه هو مكتف وهي مسويه حركة البوسه من الخد مثل الي تريد تبوسه.
كلهن هيج وضعيات تافهة وشفتها هي الي دتتلزك
وصور ويا امها وهو وياهم بالبيت
حسيتها وحدة مستخفة
كل صورة شفتها طكيت سكرين
هي حذفتهن كبل ورجعت اتصلت
ها مريم شفتي..؟؟؟
ههههههههههههههههه بعدكي عايشه عالاطلال
غوحي التهي بتربيه اطفالكي احسن
مريم نحن نسوان ونفهم بعض تدرين المرة من تحب شيصير بيها ؟؟؟
خالد حبي الاولي ولو اخر يوم بعمري مااكدرر بلياه
..والمطلوب ؟؟؟؟تخربين علاقتنه وان اصفقلكي ؟؟؟؟
..لا بس انتي مو عدوتي عاجل اجل راح اخذة وانزل عليج شريكة
...هههههههههههه ديله عيني اعوفكي تكملين احلام اليقظة
سديته الخط ونطيتها حظر شكد وقحة
انشوف تاليها ويا خالد حلاوة
خليت راسي ونمت نومة اهل الكهف ميته تعب لان سهرت ليله الفاتت وماعوضت ..
المتعافي وخالي البال ميحس بنعمة النوم الا يفقدها
كعدت الصبح شبسرعة خلص الليل
وشكد نمت
صوت عمتي وهيام وصوت ركع الجدورة
كمت طلعت شفتهم ملتمين بالصالة محتارين ياجدرية يطبخون
طب نايل جايب جدريه هو ومحمد وشكبرها
اذا اكعد بالجدر هم يبقى مكان
عاد عمتي معدلة بالطبخ وكل الناس تعرف الها نفس بالاكل لان كل سنه بموسم محرم تطبخ وتوزع فالكل ضايك طبخها
بيومها كعدت متكسرة من كثر النوم
اجه خالد من برا
..ها علوويه ناقصج شي
..لا ياامي كلشي كامل الله يرزقك ويسعدك
هما يحجون واني ميته جوع
طبيت حميت الجاي وكعدت بالمطبخ
اجه يريد يطلع دحك عالميز شاف الاستكان يدخن
سحب كرسي وكعد كبالي بالله متشربينه جاي
صبيتله ..خليت الاستكان كباله وفتحت الموبايل
عالصور وخليته كباله
يشرب جاي ويدحك بعدم اهتمام
حلوات يابه شحلاتني مهيوب من يوم يومي
..ههههههههه
..اضحكي يولي اذا ضلليتي تراسلين بيها راح
تقنعج بسوالف مصايره هذة تماضر اذا تشد حيلها
اطلع محبلها وماخذها بالسر
شرب الجاي بأستعجال وكام
.. اغيد اغوح عالسوق
.. شعندج ...؟؟
ضييييجي اغيد اطلع من الحبسه
...مريم اجليها غير وكت بالله عندي شغل
