إقامة جبرية
من مذكرات مريم
الجزء السابع والسبعون ...
كعدو يحجون مواضيع واني جهازي يرج بالجنطة
طلعته رقم غريب
دحكت لخالد ملتهي يحجي ويا سليمان ...
رجعته ودك مرة الخ....
ندست خالد ..كبل التفت
ها يبوية
...همست اغشع رقم غريب يدق عليي مرتين
...اخذ الجهاز مني والكل ملتهي يسولف
اتصل عالرقم ... يحجي بهدوء
الو ..هلا عيني..هلا يابه
..اي اي ان شاءالله ..تمام
..في امان الله
خلص مكالمة وماادري بالجهاز ونطانيا
...منو حبيبي...؟؟؟
...هذا واحد يكول هذا رقمي والشركة باعيتو الكم
..اهااا
...حضرتو ...اذا يدك اي رقم غريب لتجاوبين وليدي
..تمام قلبي..رجعتو بالجنطة
والتفتت عالحجية
منين ماادحك الها كلبي يحترگ...ادحك لعينها كلش ناززله وحلگها شكلها فدمرة
انوب بدت تريد تحجي كلامها بصوت ناصي ادحك لملامحها واتذكرت اول من طبيت يمهم مسيطرت كمت ابجي وهي ادحگلي حضنتني ومتحجي
وكلهم انتبهو
خالد...ول مبيها شي يبوية انتي ليش تبجين
ام سليمان ....حلا جيبي الها ماي بنتي
بعدت والعلويه لزمت ايدي ..
ادحك لايدها واشوف بيها طيات سنينها الي عاشت شكد راح تعيش بعد مثلا
مااتوقع تعيش بكد السنين الي راحت ونحن مخبثين الخواطر ...ادحك لحلقتها💍نفس مالت امي
مدري شصارلي ولزمتني نوبه بجي اشهك وابجي
خالد ..شجالج مريم شجالج يبوية
لزم الكلاص شربني ...احس راسي ثلج انضغط
خالد...هيااااام جهاززز القيااس مالت امي بسرعة
قاس الي طلع هابط نازل كلش
جابولي تمر واني مرجعة راسي لورا ساندته ومغمضه احس بنضات قلبي بأذني اسمعها
وشربت عصير
والعلوية طلعت الي جكليت من علاكة يمها
ام سليمان ... عجل شكدج غاليه علوية
دشوفي شكد تحبج
نوال ...عمتي هم تحبها والله كل مااجي يمها هي بسيرتها
خالد دنك وهمسلي شلون صرتي
عدلت راسي ..مليحة ..احسن
نرجع تاترتاحين ..؟؟
..ااي
طمنا عليهم وگمنا وخالد سندني وهيام ونوال يوصو عليا
طلعنا بسياره اني وحلا ..وهو عاقد حاجبه
شجالج حبيبتي شجالج ياعيوني انتي
..مااعغف انقهغتو
...سحبني باسني من راسي ..
وصلنا البيت ونزل فتح الباب وطبب السيارة
حلا ..بابا طبو هسه انه اقفلو
نزل شالني ...خالد نزلني حببباااب هسه نور تغشعنه
...يول بايگك ناهب من بيت الخلفوها
فوتني جوه للغرفة...ليش تتمندل امشي سريع لا تخليهم يغشعونه
..ول غير اشبع شوف
مددني عالتخت ودنك شبعني بوس
...لتنامين راجعلج
...عافني وطلع ..كمت بدلت ...ادحك ابن نور ماد راسه
يكولي عمية عمية
..ههههههههههه تعال انت قيعد لكن وينها ماما
اجه طب فتحت الكنتور وطلعتله حلويات
انوب طب الخ بطرك الباس
...هههههههههههههههه ابو البيس يجي بلا عزيمة
اجو كعدو مربع بالكاع واحد يم الخ ينكطون عقل لان سمعو بيها حلويات
كعدت يمهم واني افتح الهم حلويات
