إقامة جبرية
من مذكرات مريم
الجزء التسعون والاخير ....
إنني بحالٍ لا أعرف كيف أصفه
لكنني مُستهلك تمامًا لدرجة جعلتني لا أستطيع البكاء
رغم أنه يقف في حلقِي
إلا أنني أشعر وكأنه يحتاج منِي طاقة لست أملكها
ومنذ مدة أيضًا فقدت الشعور بكل شيء،
إنني لا أحيا، أنجو من الأيام فقط.
،،،،،،،،
كعدت عالصوت الجامع فزززيت ظلمة الدنيا كبل طبيت ...اخذت جهازي
هذا خالي متصل بيا
طبيت للمراسله باعثلي رقم كاتب عليه زكريا
احس روحي صاررت بالرقم
...اتصلت واني كلي لهفة
اتصلت ويااريت ماااتصلت ...
الوو..مرررريم
...زكررريا الحقير النذذذل وينك
....انتي وينكي
...انا لو انت وين هاجرت
...ولي هاجرتو وياريت سمعتو كلامكي غاحت فلوسي كلها وانحبسنا فتره والله اغشعنا الوليل
...كنت محبووووس
...اااي علمود يسفرونا وتالي رجعونا لتركيا
...وغاحت فلوسك ماااا
...اي
...عفيه عليك وهسه وين عيششش اش عتشتغل
...رجعتو اشتغل شفتين ودبرتولي شقة صغيغي
وقعدتو..وهوني الجماعة مال المنظمات مايخلون قصره الي ماعندو شغل هم يعيش خصصولنا مرتب ووجبات طعام
...اي قرة عينك..ماتغوووح ترجع عالموصل
...ولي مجنوني وين ارجع لهسه اخاف منها ملغومي
....معغف ..وانا عبالي وضعك صاغ توب شعلتووو لقلبي
...انتي اشونكي
...انااا لاتسئلني لان اخباري ماتسرك
...ليش
..زعلتو يم فوزية وطردتني
...ليش اشبينو زوجكي
..مابينو بس اتزوج عليي ههههه
اقلك غاح تستقر بتركيا
...اي لكن وين اغوح بلكي تتحسن اوضاع الموصل وارجع ..دحقي غاح ابعثلكي رقم خالتي نرجس اشقد تغيد تحكي معاكي
وابعثلكي رقمي الخ لان هذا ماعالطول فيتحو
..اي ماشي
سلمت وسديته
واحس دب بيا الامل من جديد
بقينا عالتواصل اني وزكريا واتصلت بخالتي نرجس
هي مستقرة بالسويد وكل هذة العلاقات
وخالد مايعرف عنها اي شي
مرت الايام واليوم اخر يوم برمضان
وباجر عيد
واسمع الجوامع تكبر كاعدة لافة رجل عالرجل وباب البلكونة كبالي مفتوح صافنه بالهوا
كاعدة واندك الباب ...
طبت اخلاص
..مرحبااا مريم نكدر نفوت
...لا اطلعي وسدي الباب خلفكي
...تمام ...
طبت وسدت الباب
كمت وكفت ...قتولكي اطلعي مافوتي لا تعصبيني مااااغيددد اغشع وجكي
عاااااار
....بس احجي وياج والله ماريد شي
...دحكت شفت نفاضه الجكاير شلتها وهي ركضت وقبل لتسد الباب ذبيت النفاضه صارت عالباب
حيوووووووواني اللله ياااااخذكي
العلوية هي مخليتها تصعدلي
تريد نصير حبايب
وارضى بأمر الواقع
تريد علاقتي ويا خالد تتحسن
لحتى تبدي بالمخطط ..وتبدي تخلي شروطها وتساوي بيني وبين اخلاص
بس هي دتشوف العلاقة مشحونة ومتوترة
فمتكدر تفتح حلكها بكلمة وحدة ويا خالد
