إقامة حبرية
من مذكرات مريم
الجزء المائة ...
اجه الدكتور والكل سد المايكات وبلشت المحاضرة بنهايتها يصيح اسم اسم الي يكول نعم يسجله حظور
ولا صوت من الي موجودين شبه الصوت الي اتصل بس شكيت بصوت الاستاذ وشكيت بصوت طالب وشكيت بصوت قصي
ياترى منو ...!!!
انهيت المحاضرة ونزل تبليغ رسمي الحظور اصبح يومين بالاسبوع
بيومها وضعي وحالي كلش تعبان حتى السكر مرتفع
ووسيم بعدته مني ...من يرتفع عندي السكر افقد اعصابي
خالتي حست صاير شي بس ماسئلتني عافتني عالراحتي.. طبيت للغرفة ..فتحت الكنتور اطلع البرنص ردت اسبح
سديت الباب قوي انزلغت ايدي بالبرغي
دفرت الباب برجلي واحس يومها تخبلت شبعت باب الكنتور دفرات وكعدت بالكاع ابجي
نرجس وهي مقتحمة الغرفة...اشجالكي اشكوو
...عووووفيني والمسيح اقتل نفسي
...قومي طمامي الي اطمكي = امداج
منو يستاهل تعملين هشكل بنفسكي
طبت كعدت عالتخت واني بالكاع لامة رجليا وابجي
...منو معاكي بنتي
...اذا احكي غااااح ترزليني
...لا احكي والله ماارزلكي هذا انفعالكي بحد ذاتو دليل عالاحساسكي بالغلط الي عملتينو
...خالد
..اشبينو ...؟؟
.. من جا هوني قلي غاح اطلق اخلاص
وقبل كم يوم اتصلت بيا نور بلغتني
انو العلوية زعلانه ابيت بنتها لان خالد طرد اخلاص والاسبوع الجاي يطلق
اتصلتو بينو ( تكلمت الموقف مثل ماصار )
... يعني اش احكي مااعغف
انتي الله عطاكي كرامة وانتي عتدفسيها
يابنتي عقلكي وين ..ولي الغجال يحب المرة الي تكون ثقيلي
لا تصيرين ملقوفي وخفيفة
اترررركينو اعتبرينووو مات
هو لو يحبكي كان من ولدتي وسيم جا رجعكي
وغصب عن امو تتعايش مع الوضع
بس هو مصررفلوو الوضع
يضحك عليكي بكم كلمة
انتي بعازتو ..؟؟ فهميني
...لا
...منو يثبتلكي هو ما نيم مع اخلاص
تغيدين تقنعيني كل هذة الفترة هو عززابي
وعندو مرتو حلالو بالبيت
والله لو قردة هم يقضي حاجتو بيها
ركزززي عالحياتكي ..اعغف انتي تحبي والكلام ماسهل ...بس يامريم الحب يذل ابو الكرامة
حتى لو يرجعكي كرامتكي وين
لاتبكين كفي غاح تموتين
اوعديني بعد لاتراسلين ولا تتصلين
..اشرت بيدي واني مختنكة من البجي
..مابعد احكي معانو
..اجت كومتني كعدتني عالتخت وحضنتني
لاتبكين خليولي...انتي فقدتي الاغلى منو
لا تصيغين ضعيفة
