إقامة جبرية
من مذكرات مريم
الجزء الرابع والتسعون ...
وعدت الايام ولا جديد يذكر سوا الروتين
لحد ما اجه اليوم الي ..فتحت الفيس
واشوفه منزل منشور
مافهمت معناه ولا فهمت شنو المغزى
بس اكو واحد معلق اله وكاتبله الف الف مبروك
تستاهل كل الخير ابن عمي
الرد...الله يبارك بيك سنايدي يوم الك
شفت نايل راد عالتعليق وكاتب ....
ابو شهم ميكدر حتى بهاي لازم مثنى وثلاث ورباع
هنا اني وكف شعر راسي
يعني خاطب ...صفنت بس حتى لو ....!!! اني شكو
لا ليش شكو ..بس خاف فاهمة غلط مثل يوم من سمعت رداسه تباركله وفهمت اخلاص حامل وطلعت حلا الي حامل
خل ادك عالنايل واجرجر لسانه
اتصلت
...يووول هلاااا بالذهبة العتيجة راس اليقطينة
....هسه هذة سلام لو تنمر
....امووون يولوو شعجب عتب اتذكرتي عندج اخو
...والله عالبال بس الدنيا تلاهي
...اي والله تلاهي والكل ساهي ومحتاجين نروح للملاهي
...انت ليش تحكي هكذ
...يول مدينة الملاهي شبيج ام عگل العاطل
شخبارج شمورج
...مليحة...
....گولي شكلج متصله تسئلين وترحين مو محبه
...ههههههههههه لا والله هم اسمع صوتك
..عالراسي ابو الريم
..اقول نايل ..
..قولي يولو
...بس بيني وبينك...هو خالد خطب
...مريم انه عندي شغل اسئلي الو يكون احسن
..والمسيح مااحكي بس قلي خطب
...يابه الا تحطيني بدربونة مسدودة شعرفني
....بس اي لو لا
...انتي منين عرفتي
...اعغفتو ومشي الحال
...شرايده منو ..؟؟
...ما اغيد شي اصلا فغحتولو
...اسمع صوت عمي يصيح وهوسة.
..ابو الريم انه بالمستشفى ويا واحد من ولد عمامنا بعدين نتواصل خيتي
سده وعافني مصدومة
عجل ..والغزل والاهتمام ..؟؟؟
يعني صدك علاقتنه مثل اب وبنتوو
واني الدماغسزز مصدكة
حقيرر خاين
سحبت المخدة وانفعلت تعدلت مااعرف شسوي اخر شي نطيته حظر عالفيس
بقيت اتكلب بفراشي ..دفرت الغطا وكمت
طلعت جانت الساعة ب8 بليل
ريحة نسكافيه ريحة معجنات
طبيت للمطبخ
شفت نسرين مسوية بقصم بالفرن
نسرين : عبالي نمتي ...هم مليح قيعدي نتعلل سوا
دحكت محضرة تعليله غير شكل
...لكن خاليي ويني ..؟؟
...عتسبح
