إقامة جبرية
من مذكرات مريم
الجزء الواحد والثمانون .....
يولي ابووي تخربط ضغطه مفووول
وشالو عمي نايل وعمو سليمان يولي ابوي راح يمووت
كمت وكفت واني احس مشاعري تضاربت
ادور عالموبايل اشوف وينه
طلعت للبلكونة ...اتصلت بي ميرد
اتصل بنايل جهازه مخلي يم عمتي جوا
اخر شي اتصلت بسليمان واحس الغصه ابلعومي واكفة لا اني باجيتها ولا اني بالعتها
..حياج ام شهم
...ابو داؤود وينو خالد..احس بس لفضت اسمه غصيت
...مبي شي طمني يابه بس شويه ضغطو ارتفع
...لاتخبي عليي
...والله خفيغة خيتي ولو هو ابو شهم من صارت السالفة ولليوم ممرتاح ...هوني عليه ..والله ادري الموقف صعب مااكول الا الله يعينج ويعينو ...
...اش اعمل اني قلبي عيتقطع
...ابو شهم كل همو لا يخسرج ...وحگ هو الله انه لو ادري بي متهاون بهالموضوع ومنطي مجال
اي بالحرام انه ماخليج بسدو لحظة
يمريم لتبجين والله انتي اخيتي الي ماولدتها امي
وانه اريد صالحج ..لتخسرون بعض خوية ...
..هو مااايحبني لو يحبني يرفض ماكو اي عذرر
...نحجي بالحب ..؟؟ بديوان الزلم وناس مانعرفها وكلها تحجي عنو ويكولون عاشك المصلاوية
يمريم ميحلفو بغلات امو يحلفو بغلاتج
شذنبو هاا
...لكن اشووون صدقو انو هو يعمل هكذ
...السالفة محبوكة
.. هو وينو ...؟؟
..هيانو اجه
لكن غاح اتصل بينو عالخطو
...يله براحتج خيتي وشتحتاجين انه حاضر خوية
..رجعت اتصلت ..واني عيني عالشارع دنيا ليل
شفت عمي نزل من السياره وينزل ويا جنط ديساعده محمد وبندر
جايبين غراضها كون عالمغتسل..
..ها يبويه...؟
...اش صيغلك اشقد ضغطك
...ول انه راح اموت والله ..كافي تشهكين يولي مريم صدري يوجعني اول مرة احس روحي عاجززز والله لو الله ياخذني واخلص وارررتاح
.....وانا اموت بدونك
...يولي انه الاموت بلياج
...اشون صغت
...احسن ليظل بالج ...بلا بجي يولي دموعج تلچمني
...حسيته مخنوك يحجي بغصة
حاله مو احسن من حالي
..تعال ارجعلي انا غاح اموت خالد
..جاي والله جاي ..خليج وياي عالخط لتسدي
...وين تغوووح
...والله مرايح صاعد بسياره راجع
اسمع صوت سليمان يحجي ويا مافهمت
..مريم
...ها
...بدلي من اوصل انزلي
...ماشي
خليت الموبايل بصفحة فاتحة مايك وصوت نايل يحجي
لبست وخليت الشال ورجعت الموبايل عالاذني
شويه وشفتهم وصلو
...تعالي نزلي بابا
..سديت الاتصال وقفلت الغرفة ونزلت
شفت عمي فاتح الغرفة وديفوت الجنط
ويا محمد سرقت نضر وشفت الغرفة مالت الاخشاب احس قلبي انقبض ...
نزلت عمتي ونور وحلا كاعدين
طلعت ولا حجيت حرف عمتي صاحت وين رايحة مررريم
...ماجاوبت ..فتحت الباب جان كاعد من ورا ونايل من كدام من صعدت وشفته محتقن مخنوك متمالكت نفسي حضنته وبجيت
...ششش كافي يبعد عافيتي
ابتعدت عدلت كعدتي وامسح بردن الفستان الا نايل نطاني كلينس
سليمان ...حسبي الله ونعم الوكيل الله ينتقم من كلمن كان سبب بهالشغلة الخايسة..
