إقامة جبرية
من مذكرات مريم
الجزء السابع والستون ...
طلعنا ودكينا الجرس فتحته هيام ...
بوست ام سليمان وابتعدت
وكالت...كل عام وانتي بخير خالة عيد الجاي وانتي بمكة
دحكتلي ..واني متهممة اتقرب لحتى اعايدها
هيام ....مريم بلاها هالعيدية
ولو تنزلين احسن تفضلين عالراسنا
لان امي كلش مطايقة تشوفج
الي سويتي وياها مو قليل
....عتطرديني من باب البيت هيام
هي هذة تاليها ؟؟
....تردين تنهانين ؟؟؟
طبي واستلمي طيب ...بس انه ما طرد الغريب مو انوب انتي بس تاحفظ ماي وجهج
...والله ياام علي جواتكي حقد الله بس يعلم بينو وعتحكين هكذ علمود لا يطلع المضموم بقلبكي قدام ام سليمان
د
حكت لام سليمان الي واكفة مستغربة وماحجت شي
...ام سليمان تفضلي ...طبت جوا واني بقيت واكفة
...دحكتلي هيام وهي لازمة الباب
دحكي يمريم الي حجي وياج بس مو هسه
والله فلا اعديها الج
لان الي صار بأمي البارحة فلا ااانساه
وانتي لحد هالحزة متعرفين امي شنو تعني النا
تجاوزتي جثيررر وسكتنا الج
الي تتقوين بي اقسم بالله بكلمة من امي نخلي يطلكج فاحترمي نفسج ونزلي بلا مشاكل
....هههه والله لاانتي ولا عيلتكي ماتهموني لو هالقدوت
انا اتزوجتو خالد ماتزوجتو امكي
خلي يرجع واغشعي اشون دخلينو ياخذ حقي مربع
... نزززززلي عرررمة
...ههههههه ماشي ياهيام
سدت الباب بوجهي وطبت
نزلت افورررررررر
من طبيت الشقة طبكت الباب كل قوتي
جنان ..عزززززا بعينج يولي مهبولة هيج تسدي
عززززا شبيج مريوم
....عفته وفتت للغرفة واني اسحب الشال من ركبتي الي خانكني
فتت وقفلت الباب
كعدت واني احس رجعت لنقطة الصفر
احتاج الي ينبهني يكولي شنو اسوي بمنو اتصل
من منو اخذ الرأي
دانحط بمواقف اكبر مني
تكتفت وكفت عالبلكونة...ماكو غيرر حل طبيت
فتحت الكنتور طلعت الي ماابس وبدلت
وطلعت الجنطة وخليت بيها ملابسي
والمستمسكات والفلوس
ينعل ابووو هيج عيشة هو عمر واحد لشوكت ايامي تنتهي بالقهر ...لزمت بطني واني اتلوى الم
لزمت الكنتور احس لويات بطني واريد استفرغ
كعدت عالفراش واني اتنفس بصعوبة
مارحمت نفسي ابد
الي تولد تبقى ايام اداري نفسها
واني كاضيتها انفعالات وحركات مامدروسة
حسيت هديت ..رجعت كملت الي جنت اسوي سديت الجنطة وافكر وين اروح
اوصل للعراق واخلي امام امر واقع ...؟؟
