مذكرات مريم
الجزء الخامس عشر...
انه ادري بيج حاليا متشوشه فكري والتأمرين بي انه حاضر ....
عافني وطلع
خلاني بدوامة افكار...
دماغي عطل عن التفكير
تمددت .. واني الافكار تشوشت براسي
من بين كل هالمصايب اجت براسي المرة الي اشوفها بالمنام شكلها بشع
انوب كمت اتلفت ... تعدلت ... وتعوذت
ياربي
مو كافي قلق والم وخذلان انوب خوف
ادحك للطابوريه ... بالحلم هذا مكانها جانت ادحكلي
شلت الغطا وطلعت اكمز على رجل وحدة
فتحت الباب
الصاله ضوها طافي خالد مموجود
باوعت للدرج ... صوت هيام جوا بالصاله
لزمت المحجر وصحت ام علللي...
ردت عليا و اجت وكفت عالاول بايه
ها مررريوم تعالي نزلي ...
ام علاوي صيحلي خالد عفيه ..
هيام .. خوما بيج شي...؟؟
... لالا بس صيحي...
راحت واني اباوع للصاله عتمة
لان من يصير غروب خالد ينزل البردات لو يطفي الضو
واكفه وشفته اجه ...
دحكلي ... ها شبيج...؟؟
يحجي وياي وهو واكف جوا
... تعال اصعد حباب احكي معاك ....
..... صعد بسرعه ... توجعج ..؟؟؟
... تعال فوت بس
... اجه وراي متوتر يريد يعرف شكو
خالد انا خيفي ....
...شكو ....
...شوف والرب انا عدشوف كوابيس من ارجع اتذكرها اتعب نفسيا
... كوابيس شنوو مريم ... شسالفه
... انت تحسب وعبالك عدكذب لو افتعل سوالف
حتى اخليك تنسى ...!! بس والله انا مامرتاحة
اكو وحدي ماعتعوفني بحالي تخوف شعرها طويل
وشكلها بشع
داحجي ... وجان يحضن ايديا ...شششششش
كوابيس مجرد كوابيس بويه
شبيج ترجفين ...؟؟
تنزلين جوا يم امي ؟؟
ااااي انزل
واذا سئلوج عالرجلج كولي دست كزازة مال مرايه
حتى لهيام متفشين الها الي صار ممنوع
....صارر..
اخذت المخدة والغطا ...
ونزلنا اول درجة ورفعني شالني
نزلني
هيام شافتنه ...... عزا العززززاني شبيهااااا
عمتي ... يمه اسم الله شكو
خالد... فتحي الباب هيام
عمتي كامت ورانا ...
عمتي ..... خالد نوَمها عالسرير لا بالكاع
شصايررر يولو ...؟؟.
