أقامة جبرية
الجزء السابع والثلاثون ...
داحجي وانفتح الباب وطلع خالد وحلا
من شافتني اجت تريد تبوسني
كبل ابتعدت .....
مريم عليج الله سامحيني ...واتقربت بعد مني
دفعتها ..... بس اكفيني شركي لا تتقربين
....شوفي حوبتج ما تعدتني وانتي كلبج ابيض بغلا ابووووي سامحيني
...لو ابوكي عندو غلا عدكي ماكان وصلتينه لهالحال
طلعت عمتي بالاستقبال مدت ايدها الي تريد اني اسندها مع العلم خالد وهيام وحلا واكفين
سندتها ليم التخم كعدت وكلهم اجو يمها
ادحك لحلا عيونها ميبينن من البجي
وخالد يخزر بيها
بكلبي كلت ضربات الله قويه
الله ياخذ الحق ولا نظل عالخزرات خالد جان كلشي محصلنا ..شكد حقدت
هيام ..حلا كون الغلط ميتكرر امي كعدتج هينا راح اطول منريد مشاكل
رديت ..والله اي محاوله لاي مشكله والعذرا مااظل لحظة
عمتي ..هدي بنيتي
نور.. ابو شهم مريم تريد تعزل انت ترضاها؟؟
طب عمي وام عبسكة جانو يم عباس
خالد ... نور شنو مشكلتج لو عزلت خيتي ؟؟؟
ام عباس... هذة يا معدله تريد تعزل عيوووني
خالد .... حرمتي المعدله وغصب عن اليرضى والميرضى
ام عباس ....عيارة نسوان الشغل ميموت وادم
خالد: عجل من هينا وغادي الج دور بالطبخ والتنظيف وياهن واريد اكعد يوميه الاكيج مسويه ريوك مرتب
ام عباس: متحجي حجي ؟؟؟دحك ابنج شنون يسولف وياي هي هيج يصير
عمتي:ام عباس بكيفهم تركيهم
ام عباس: تريد تعزل الي يسمعها يكول عدها كوم جهال
خالد: لفي ماعندج لميعة وبلاها هالفصول تراها اجت وروحت لراس خشمي
اكوم اور البيت فوك راسج
ام عباس : يازززي شحجينا خما كفرنا
دردمت بصوت مسموع ... نشوف تالي الشريفة وين توصلنا
كلاص كبال خالد عالطبله شاله ديضربها دنكت انضرب بالحايط
...يبوووووو يمد ايده علييي يبووووووووو
..والله لانعل ابوج لبو المايعرف يسكتج
كام يريد يتناوشها وعمي وكف يدفع بي
يول اشرف منج ومن عشيرتج بنت الك.....د
وهي انهزمت عالمطبخ وماخلت غلط ماغلطته
كله فشار عليا
خالد :بالحررررررام اذا طبت لاذبحها
يدحك لابو .....واليوم لاخليك اطلكها
عمي ... يول انت العاقل الجبير شبلاك ابني
... ولكم خليتووو بيا عقل من خرب بمصنمكم
من خرب هيج عيشه
