إقامة جبرية
من مذكرات مريم
الجزء السادس والتسعون ...
بقيت استغرب مراسلاته الغريبة
صار يحس بيا من اتعصب وصار اسلوبه ألين
ماكو هيج رقة بالمعامله...
لحد ما بيوم كعدت من نومي ...كمت الصبح نرجس ماكو
طبيت غسلت وطلعت لميت شعري مديت راسي لصالة ماشفتها ،كل ضني طلعت ، انتبهت باب البلكونة مفتوح
تقربت اسمعها تحجي
ظهرها عليا ووجها للشارع
...اي ضروري ...اي صحيح
بقت عليش هكذ عامليها صعبي وممنوع ..؟؟
هو قانون لو قرار ...؟؟؟
...ها خوش يعني مليح
...والله اش تحكي انا مالومك
ان شاءالله تحصل الموافقة ...
والله اذا قبل الوقت انا اضمنلك
اي اكيد طبعا ...مع السلامي
اندارت وشافتني
صباحوونرجس
...من ايمتي انتي ويقفي هوني ...؟؟
تقربت مني لزمت اذني بمزح
ايمتي تبطلين تتصنطين حكي
...والمسيح ما متصنطة بس صوتكي عالي
ليش معامن كنتي تحكين ..؟؟
...كنتو احكي مع نسيبي ، يغيد يسافر لقالو شغل ...
...اي وليش هو ممنوع من السفر ..؟؟
...ااااي اشبيكي ما هو موقع عقد مع شركة
...الله يسهلو ..اش عتشغبين ..؟؟
...كاكو تعالي فوتي تغيدين اصبلكي..؟
...لا اغيد جاي ومعانو قشطة ولبن وخبز حاغ
...اويلي والعذرا مااخليها بنفسكي
امسكي دغشع ..
لزمتني الكوب وراحت تتخطى شلحت الرروب
واخذت ملابسها من التعلاكة
..وين؟؟
...هسه اجي اجيب جبن معجنات وناقصني مسواق
الي اغيدو منكي ، تقعدين وبلا اعمال شاقة
لايصيغ عدكي تقلص وانا ماهوني
اتفقنا ...؟؟
...ااي
...اخذت الجنطة وطلعت
ادحك لشعرها واضحك.. شايلته بفيونكة ذيل من ورا قصير وصابغته اصفر تمشي وتفر بي
عافتني ونزلت
واني كعدت اتصفح...
مر اسبوع ...بنهايته حسيت شعور غريب
شعور قلقني ..حسيت اكو شي متغير
حركة الطفل سكتت
وبطني صار بالاسفل
...مات ..!!!
بقيت ساكتة ومحجيت وكأنما اهرب من الواقع الي افترضه خيالي
ممستعدة اطب بنوبه حزن وقهر
ولو اني اصلا من بداية الحمل ابد ما كنت متأملة خير
وصلني مسج من خالد الي صارله يومين مختفي
..شلونج مريم
....ما مليحة
...ليش بنيتي...؟؟
ماجاوبت ..رجع اتصل
