إقامة جبرية
من مذكرات مريم
الجزء التاسع والخمسون ...
حلا... استلمي مررريم شوفي منو اجه ... يااا هذة عمييي ومعاها هيام
طلعت حلا كدامي سلمت وبوستهم ونايل سد الباب وطب يكمل نومته بالاستقبال
واني من تقربت عمتي يمي رحت ابوسها دفعتني
وينو خالد...؟؟؟
هي تحجي واني مصدومة شلون تصرفت هيج اجت هيام بوستني وشاورتني ....شما تحجي اسكتي كلبها ترى محروك
حلا...والله ياجدة بابا ملتحق مو هينا
فاتت وتحركاتها مثل الواحد الي يبحث عن شي
طبت من باب المطبخ تستند عالعوجية ولافة اطراف العباة ببدها رافعتهن وتمشي بظهر منحني
ادحك عالكلشي بالبيت واني متصنمة بصفحة
فاتت وهيام وحلا وراها
طبيت وراهم فاتو للصالة كعدو
كعدت هي عالتخم وارتكزت عالعوجية وهيام يمها مبتسمة ابتسامة مال واحد خايف من شي
العلوية : متكعدين عش واكفة
تقدمت كعدت كبالها وحلا اخذت القوري وراحت تسوي جاي
العلوية: تعااالي كعدي حلا انه مجاية اتضيف
عندي كلمتين ويا مريم احجيهن واروحن
....خير اكو شي خليتي بالي عميي..؟؟؟
.....والله من عمايلج يمريم ماضنتها خير
...عمايل ايش عميي
... استحلفج بالانجيل كتابكم
ترضين الي ديصير ...!!
..ليش هو اش صاغ غير افهم
هيام من ورا امها تأشرلي بحركة يعني طولي بالج
العلوية ..... دحكي يمريم ذولا ولدي ربيتهم بتعب وبقهر وبدموع العين وخاصة خالد
هذا مو بس ابني هذا كل اهلي
من شب ونبت شاربو وهو صارلي درع
من يومها وانه احتمي بي لا من ابو ولا من مرة ابو ولا من عمامو ان جان مابعد توصلني حجاية بوجودو
وان جان عالنايل هذا مددل الگلب وبزر الكعدة
ولايوم واحدهم وكف بوجهي ولايوم واحدهم خالف جلمتي ...تجين انتي العصر تبنيلج گصر عالحسابي
هذا الامر الله يرضى بي ؟؟؟؟
ياقصر وليش انا اشعملتو واليسمعكي يقول خلت ولادها يطلعون من شورها
...30 سنة وخالد مابعمرو يرفع صوتو عليا
تستوعبين يمريم 30 سنة انه عالغلط عالصح
وابني يكولي تم وصار وامرج يمه
من تالي وعالكبرتي انه يصيح بيا الصوت
انه الي يكولي الي يطخ حرمتي بحاجية اتبرا منو
....وانا اشدخلني ؟؟؟؟
...حجت بانزعاج وضربت عوجيتها بالكاع
لااااااااا دددددخلج وووونص
اسلوب الحقارة والحفر من جوا الجوا ميمشن عليا يبنت .... ترى انه عندي تاريخ بهالسوالف
خاف بالج مااعرف بسوالفج تكونين غلطانة
بيوم وليله سحبتي خالد يمج والصغير صار حامي الدار
ولدي صارو خواتم بيدج
يعترفون بيا؟؟؟. يكولون امنا شمعتازه شناگصها
