مذكرات مريم (أقامة جبرية )
الجزء الخامس والثلاثون ...
نوال سحبت الخ وحقنتني بيها واني انلاصت عندي غوشت ورجفة بأطرافي احس بديت افقد
شفته كام مو عالبعضه
بعد مواصل الباب مالت الغرفه وووكع من طوله
نوال ..يبووووو لحكوووووونه
طب عمي ونايل وعباس شالو للصاله
وهيام جابت عطر وهو فقد
نوال بيدها الجهاز كبل اجت فحصتله
هابط كعدو وشربو عصير
وجكليت وكعد صحصح
اني واكفه يم الباب ادحك بس مطلعت
عمتي ..شبيك يمه شجرالك
...مابيا شي
...التفت وصاح وين نايل ..نايل كاعد يم الدرج اجه كعد يم عمتي ..ها ابو شهَم
...نايل حسابك يمي بعدين
...ليش شمسوي ...؟؟؟؟؟؟
.....انت تعرف شمسوي
عمي ..يول شمسوي راس البلا راس المصايب
خالد... منو اتصل بخال مريم ونطاه العنوان
نايل ...خالد دام الحجي صار عالمكشوف
ومخلينه كلنا مدانين
خل احجيها طك بطك
هالبنيه متريد تعيش وياك وانه الي اتصلت بخالها لان انتخت بيا
وتريد اهلها انت عالشنو مجلب فهمني الي خلقها خلق الف منها
...وانت منو نطاك الحق تدخل بحياتي وتقررر عنييييي
...مادخلت بحياتك ...انا انحزت لطرف مريم
كلكم تعرفون الحق بس محد يكدر يحجي
قسما بالله لو هذة اختي .... وهيج رجلها مسوي بيها اي بالحرام الا احط جيله براسو
...لك هاي عليمن تعلي صوتك
كام وتلازمو هو ونايل
هالمرة من صدك حتطلع من وجهي
عباس يدفع بخالد وعمي يسحب نايل
تقربت يمهم ..... ونوال تكولي ولج راح تنضربين
كمت اصيح لك كاااااااافي تريد تموتني
انوب عمي دفعني ولي مصلاويه انتي ساس البلا تخبل ابني من وراج
خالد....عباس كعده ...هينننننه نايل والله فلا اعديها الك نايل عمي سحبه للاستقبال
وخالد شكله ناوي عالشر
منين من ادحكله مجاي اشوف نفسي بهالرجل
احس كلشي انتهى وخاصه هذة تصرفاته
انجن ديتصرف بلا وعي احس نوبات الهلع سيطرت عليه وعالتفكيره مضطرب من موضوع الانفصال
ديتصرف بقلق وبدون تفكير
انتابني الخوف
لا تتطور حالته ولا سيما ماكو احد ديخلي حد
لتصرفاته لان هو الامر الناهي والكل تحت طوعه بهالبيت
يحس روحه ديمشي مستقيم والكل اعوج
من منظوره ..وكاعد يحاسب الكل ونسى يحاسب نفسه ..مستبد برأيه الي ابعد حد خاصه من يتعصب
يصادر اراء الكل ويحاول يثبت رأيه برغبه عارمة وبالقوة
اشوفه مزيج من الحنيه والعصبيه رغم كل هذا
ميزانه عندي متساوي
اكو صوت براسي كلما يريد يحجي اسكته وارفض اسمعله
صوت يحاول يبرر كل تصرفاته وارفضه
من بعد نقاش وتنضير
كل واحد طب لغرفته
وعباس رجع لبيته الوقت قارب للفجر
كلها طبت نامت الا اني
ماكو نوم
تفكيري احذ منحى سلبي
وبديت ارتب شنو المفروض يكون الي وشنو الي عليا
لكيت ابسط حقوقي مسلوبه...
اذا هو جابرني عالاقامة بهاالبيت واغتصب حريتي
فلازم اوكف اطالب بأبسط حق الي
