مذكرات مريم
الجزء التاسع عشر ...
صعدت عالدرج اسمعه بالصاله يتصل
.... انه ماعوفج لاانتي ولا الجهال
وشوكت متردين انه حاضر موجود
صفنت هذا يجوز ويا هيام يحجي ليش استعجل
لكن صدمني من كمل كلامه
.... منا ليومين انه يمكم بغداد
انتبهي عالجهال ...
صعدت والجهاز بيده يتصل مرة الخ ...
ادري صعدت ولا عبالك شايفني
خالد... الو ...اي ابو محمد
دحك هذة عمتك ام تماضر اتصلت ...نسيبها الك....
رجع لسوالفو .....
هاد عليهم سكران ...
يريد يرجعها وعمتك مراضيه ....
شلون ترجع ابو محمد من كل عقلك وهذا
ابوك اذا عرف راح يلوصها لشغله ...
الحل كتلها من هينا ليومين انه اروحلهم
ابو محمد اذا تروح تجيبها انت تسوي فضل يخوي
في امان الله.....
خلص اتصال واندار عليا
خير ياطير ...؟؟؟؟
متشرب جاي سوينه كليجة
اي نزلي انه نازل وراج....
خالد ....
خيرر
....لتعاملني بهالبرود كافي لتحسسني اني غريبه
... هذا الطبيعي والاحسن الي والج
... تعامل نور بلطافة اكثر مني هشكل عدل برأيك ؟؟؟؟
... نور وحدة من خواتي شما اشاقيها تبقى اختي ومشاعري ثابته بس وياج يختلف الامر
... بس خالد هذة ماانصاف منك
...عجل الي دتسوي وياي انصاف ؟؟؟
... انت بتصرفك عالطبق المثل
يااطخك يا(افلع=افج او اضربك ) مخك
.....هههههههههه افلع شنو
...،انا ماعدضحك
..وانه هذا العندي
.....ومن تقلي بنتي وهالكلاوات
عالاقل طبق معناها للكلمة
وعاملني مثل بنتك
....مخلي عليج عازة ؟
مضايقج متجاوز عليج معاملتي محلوة ؟؟؟
تردين تمشيني بكيفج يولي
.... اصلا مااغيد منك شي لااهتمام ولا غير شي بعد
واضحة انت بينت عالحقيقتك
كل الي بالبيت تعاملك معاهم غير عني
لان انا غريبه
وغايتك واضحة ...وهي رغباتك
لو البيلك الي بالك تصير معاي مثل مااريد
.....يول لتمسلتين لا اطيحو الحضج
مو شفتيني اخذ وانطي وياج بالحجي كمتي تلوصين هاااا
ولو انه مثل الصورة الي بتفكيرج المعوق
جان من باجر بدل الوحدة اتزوج ٣
...شفت هذا الهمك هسه راسك متروس نسوان
....اعووووووذ بالله منك ياابليس
عفته ونزلت
شويه ونزل وراي
وين ابوي ....؟
نور ... راح ويا عباس لدفنة هذا جيرانه الي بيت الركن توفى ...
