مذكرة 34

61.4K 5.7K 15.2K
                                    

مذكرات مريم
الجزء الرابع والثلاثون ...

واجت صوتها يرجف
عمو خالد احلفك بستر زينب واخوها ابو فاضل تنطيني الامان عندي حجي اريد اكوله ....
ودمي احطه بركبتك

خالد...الج الامان

كعدت جنها سعفه امر مني
كعدت يم خالد

عموو..انه سويت غلط وهالغلط بدا يكبر ومابعد اكدر اسيطر عليه

خالد...احجي بلا مقدمات شمسويه

دنكت لايده وباستها دخيلك عمو بابا اذا يدري يموتني

سولفي ميدري ..
عمو اني احب علي ابن عمتي هيام

خالد ...من شوكت يولي شهالاستهتار
...عمو اسمعني
اني حبيته من زمان والتقيت بي مرتين والله والله مسوينا شي بس باسني
تحجي وكاعدة وياه حشك ولازمه ايديه خاف يضربها

....زين لحد هين طامة صغرى اكدر احجزج اله لما تكبرون اصخمكم بزواج ......شمفينه غير هالشي
احجي لترجفين

عمر يوم الباسني جنا بالمنور وحلا شافتنه و صورتني
وكامت تهدد بيا عالطالعة والنازلة

...ليش تهدددددد

....عمو خالد طلبت مني كومة سوالف واذا ماانفذ هددتني ترسل المقطع لمحمد اخويه

...يول احجي كملي لتسكتين

عمو طلبت مني اسوي ايميل باسم مريم عالجهاز عمة نور
جنت اخذ جهازها بحجة اسكت اخوي الصغير عالطيور الجنة وعمة نور متكول لا
...اااي
...وسويت ايميل وصفحة فيس
حلا اخذتهن و فتحتهن بجهازها وحذفتهن من جهاز عمة نور

...زين شسم الصفحة والايميل ؟؟؟
الايميل بأسم مريم ومواليدها
والصفحة بأسم الجنابيه الجنابيه
..كملي
....وما فكت مني الا ابقى هينا نطتني مفتاح غرفتكم
وطلبت مني اصور ملابس مريم من رحتو لاربيل
ومن ثولتي نسيت الباب مفتوح
ومن عرفت بهذلت احوالي

....اشتعلت صفحة ابيج كملييييي

...اي وشتطلب انه انفذ
عفت دراستي وكالتلي تبقين تراقبين مريم
شوكت تنام وشوكت تكعد وشوكت تطلع ومنو اجه مخليتني هينا راصد اخبار

...ومنين تنطيها المعلومات؟؟؟

..اتصل بيها من جهاز جدتي
وكالتلي راقبيلي سليمان هم
عمو... بابا اذا عرف راح يذبحني والله والله

هي تبجي وهو دنك راسه احتقن
رفع عينه عليه كبل دنكت

كمت خليت الفلوس يَمه وطلعت باستعجال

شويه وطلع للاستقبال رجعت طبيت يم دعاء

شفتها تبجي....ولي خوما ضربكي

.. مزعلانه مني ؟؟؟

...انتي عملتي هالعملة مجبورة مانيتكي تأذيني ماصح؟؟؟

مذكرات مريم (إقامة جبرية)حيث تعيش القصص. اكتشف الآن