أقامة جبرية
الجزء الخمسون وماقبل الاخير ..
راد يفتحه صرت حاجز مخليته
لا تفتحووو خااالد
..شصاير ...؟؟
...الله يخليك لاتفتحو
...هدي حبيبتي .....شمسويه
..يحجي والباب انهجم لزمته من ايده
واني اعرف فرحتي راح تنكسر بسبب هالعملة
خالد صااااح ....ااااااااااااااي ووجعة الله
عافني وفتح الباب
تماضر .... واكفة وبيدها طبقة الحب
...خيرررر شكووو
...ابو شهم من يوم يومك نشمي ومترضى بالعيب
ترضا مرتك تذبه بوجهي وتكولي حب لدود بلكي يفيدج
....اخذ منها الحب قلبه وقراه
وليش كالتلج هيج؟؟؟؟.
..لان سئلتها عبالي يم الدكتورة
....اي فضول وصخام وجه منج شنهو
امها ابوها اختها شكوووو تسئليها
...يعني صرت اني العايله خالد..؟؟؟
بدل متبهذلها تبهذلني الي هي هذة المرجية منك
... روحي نزلي وتجفي شر لان جثير تعبان
...لا والله ماانزل كبل متخليها تعتذرلي وكبال الكل هم
لان سوتني مضحكة...
..ول الي يحط بيدو الله يزيدو
ولي ونزلي من جدامي واتعوذي الشيطان
....مراجلك بس علينا تطل...
ضربها كف من يمي اذني وجعتني
وكحة نزززلي ولا تخليني الكحج من هينا وحق هو الله
...اضررربني اني اريدك تضربني حتى هالفاهية الي وراك تعرف علاقتنه وين واصلة
تضربني لان ماخذذذ عليا متعلم عليااااا كولولها للخاتونة مالتك الي مصدكها روحهاااااا
كول الها انت جنت ررررجلي جنت ميت عليا
محسيت الا انكفخت راجدي الخ
....ول لو بلاش هم ماادنالج.... وحرمتي تسوا راس عشيرتج .....يله من هين
...مرتك ...ك ... بلا شرف
رديت ... الحرامي عبالو كل الناس تسرق
بقت الا الق....عبالها كل الناس ..وسكتت
..خالد...يدحكلي بدهشه وواكف بيني وبينها
محسيت الا هي غافلته وهجمت عليا تريد تلزمني
لزمها من شعرها قبل لتوصلني وسحبها
عتت ايده.... وطلعت شكو سم بداخلها
خالد... ول بلا كراااامة ...هسه لو زلمة بالحرام اسكطج
..لعد دامها وصلت لهنااا خليها تسمع
باعي لج يالمصلاوية خالد جان رجلي وبيني وبينه غراميات وفراش وتأشر بيدها بحركة قبيحة اي اي فررراش يالفاهيه يالمابيج حظ .....واني نطيتج فضالتي
وخاف ماكلج ترى قبل ليخطبج هو ليلتها جان نايَم بحضني ومن خطبج اخذ رأييي
