مذكرات مريم
الجزء الرابع ...
فزيت بخوف ...
ابو شهم شال ايده من ورا راسي
كال شلون صرتي يابه؟؟؟؟
زينه ..زينه ...
كبل تعدلت ..
نائل وكف وطبك السيارة كال ابو شهم دحك لهذا هو ماركت وهو مطعم ....
الحجي فتح الباب كال يول انه نازل اطفي الشيرب
باوعت بخوف وقلق
كتله فدوة اكو حريق لاسامح الله ؟؟؟
ليروح يتأذى وينحرق
ابو شهم فتح باب السيارة نزل رجليه بالكاع ويضحك وهذا نائل التفت علينا
يضحك من كل كلبه
كال ابو شهم لاحصلنا ....اخوووووي ؛شيل الليله
استلم عيوني الله يعينك على ماابتلاك
واثنينهم يضحكون ...
اني بس اريد افهم ليش الضحك
نزلو اثنينهم من السيارة
ابو شهم نزل وطبك الباب يحاجيني من الجامه ...
شمشتهيه يابه اجيبلج؟؟؟
عمو بكيفك اي شي ....
كال صار
راح يتخطى .. واني عيوني نطن من مكانهن اراقبه شكد رزن وثكيل
اباوع وكفت سيارة يمهم هالسيارة لبيت عمهم
نزلو منها زلم يحجون وياهم
وهو عافهم وراح اتمشى قبلهم
اباوعله اكول بكلبي خرب بيوم اهلك شلون طول وشلون قيافه ... لو ساحبه سحبه اليانصيب هم ميطلعلي هيج حوري
بس لازم اكون حذرة خاف ذولا يبيعوني تفليش تفسيخ اعضاء كلشي جايز
شو هذا راح طب للمطعم شويه واجه .. سويت روحي ممنتبهه
شويه وشفته اجه بيده علاكات...
فتح الباب وناوشني كال هاج اخذي
اخذت منه ...
سد الباب وظل برا حط ايدة عالجامه ووكف يدخن
كال جبتلج (شنينه =لبن لشرب)
وجبت عصاير وكيك
شكرا عمو....
عقج حواجبه بحركة اخذت كل تفكيري من حلاها ...
كال هينا مااستنظف اكلهم ولا شربهم
ولااعرف مصدر اللحم الي يستخدمون اتحملي لبين مانوصل .....
كتله ياااا ...
ترى ماما خلت النا اكل وهسه اتذكرت
بالحافظات ويا الغراض
راح لجنطة السيارة صاح كال ياجنطة ؟؟؟
كتله الصغيرة
جابها واجه كال هاج
فتحتها وطلعت حافظتين
ماما خطيه مخليه بيها عروك مصلاوي .. وحافظة ثانية صغيرة بيها ورق عنب .. ومخليه الي كومة حلويات نساتل
طلعتهم وباوعتله
اشرلي بحواجبه يعني شتردين؟؟
كتله اخاف تبقى ريحة الاكل بالسيارة وازعجكم
كال يابه ... شو اكحزي ليغاد
صفنت شنوو ؟؟
كال روحي ليغاد
سويت مجال صعد يمي والاكل بيناتنا
كال هاي شني ؟؟
