إقامة جبرية
من مذكرات مريم ...
اطلال دتقلب وموبايلها متروس صوررر فستاتين وصور اطفال وصور عائلية تقلب سريع
شوفتني صورة الفستان داخذ الجهاز منها انكلبت الصورة
كبل سحبت الموبايل من ايدي
واني سويت نفسي مشفت شي بس انصدمت صدمة عمري ....
كبل سحبت الجهاز من ايدي
...شنوو شبيج..؟؟؟
...ما بيي شي انتي اشبيكي
...لا ولاشي ..
ضمت جهازها وحسيت احوالها تخربطت
وكل شوية ادحك عليا بنضرات وكأنما تتفحص ملامحي تريد تشوف ردة فعلي
من صدمتي مكدرت ابقى اخذت ملازمي وابتعدت مصدومة ...وكلام نرجس يمر مثل الشريط براسي
غبائي واستهتاري وين راح يوديني
منهاره واحس دادور بدائرة مغلقة
احس مجرد افكر بزواج ثاني معناها داتلاعب بعداد عمري
يمكن كانت لحظة عضب يمكن كانت لحظة تهور يمكن كانت لحظة زعل كل هذة كانت سبب وجيه لحتى تنعكس من خلالها تصرفات غير مدروسة تصرفات خاطئة
اذا وافقت اتزوج شنو مصير وسيم عد منو يعيش منو يهتم بي اكثر مني
واذا اخذته وياي شلون يعيش بعيد عن ابو
عمر زوج الام ماكان اب ولا مرة الاب صارت ام
هذة حياة وسيم واني داقرر عنه
صفنت عالانانيتي وحقارتي وين اريد اوصل شذنب ابني يكبر فاقد ياامه ياابو...
طلعت جهازي ...واتصلت.....
..الوو
..اهلا اهلا هلا بمريم
...بالمهلي ابو نجم ....
...اامريني
...بس غدتو ابلغك علمود الموضوع الي حكينا بينو
...اي شبي
...ياريت تنسااه .. لان ماكو نصيب
..ليش شكوو
...اتعذر عن ذكر الاسباب بس مااكو نصيب
...والله وتبقين غالية ومكانج جبير عندي وامانة شتحتاجين انه حاضر بس انطيني سبب واحد
...اعتذز
...سامعة شي ..؟؟
..لا بس ماكو نصيب
...خير ان شاءالله
انهيت المكالمة ..ورحت تمشيت ابتعدت عن الكلية طبيت كلية ثانية..اخذت زاوية بالحديقة ..وكعدت..وعبالك رب العالمين نزل عليا دموع مثل مزنات المطر
بيدي الجهاز وابجي ...احس مابعد اسيط عالنفسي
هو بجي هو برد هو صدمة ..كمت ارجف
شكد احاول اثق بالبشر وانخذل
شكد احاول استند لشخص ويميل مع الوقت
من دون تفكير بالعواقب
طلعت الارقام...وماادري شنو الي دفعني اتصل بهالشخص جنت منهارره محتاجة شخص يوبخني لو يحسس ضميري ويأنبه ... داحس بالخطأ
وكأنما مكالمتي هذة تخفف عن كاهل الذنب الي داحسه
الوو..
...هلا وجثير الهلا بخيتي ام وسيم
...اغيد احكي معاكاا اذا عندك مجال
...ياستار استر ...شبيچ صوتچ تبجين منو وياج
...انا زعلاني انا غاح امووت
...بروح اهلج هدي ..واحجي عالكيف لا تخلين بالنا شبيج مريم
... انت ماقلت انت اخوي وتسمعني
...اي وهسه وبعد انه عد چلمتي بس اشري
...سليمان انا تعرفتو عالشخص ..وهالشخص تقدملي خطبني
..زين ....كملي
...وانا اليوم رفضتونو
... حلوو ...وين المشكلة عجل
