أقامة جبرية
الجزء الخامس والاربعون ...
...مترديني ؟؟؟
...لا مااغيدك ...بس اطمن من بعد كلام امي بعد مااقلك اغيد اهلي..
اخذت المنشفة وطلعت ..مصدومة بي
من صدك كلام عمتي... الزلم ما تتأمن
غسلت ونزلت ..صبحت عالكل
وكعدت يم نور سئلت عالابنها
عمتي صاحتني تعالي تريكي ...
مااغيد عميي ....ودواج بنتي ميصير
مااغيد عميي مااشتهي
..كاعدة ودافكر اطلع من هالبيت
بس وين اروح
اطلع لخالي وارفع دعوة واخلعه
واهلي تتصلح علاقتي بيهم بعدين ..؟؟؟
انفض الافكار من راسي وترجعلي افكار اقوى
اشرب علبه العلاج كلها واخلص...واموت كافرة حتى الله ميدحك بوجهي واكضيها بجهنم ..!!
اتعوذ من الشيطان
وافكر اطلع من البيت وماارجع زين وين اروح
احس الشيطان متربع بدماغي
احس حقدت حقد
زين اذا احجي وياه وافضحه واخليها تعلك ويا بنته
بس ميصير
هي امنت بيا وحجت الي
...اتصل بزكريا يخلصني ...اي ماكو غير زكريا
هو يلكالي حل ويطلعني من هالقسمة
اندك الجرس وطب علي ابن هيام خشمه وحلكة دم متعارك
هيام ... ولك وووووويامن بس احجي
وهي تحجي وتبجي فرفحت
عمي طلع من غرفته ... يالصباح الاكشر
شبي انوب
علي ...عمو بندر ضربني
عمي...شمسوي وضاربك
..ممسوي شي جدي بس لان عمو فيصل سئلني كالي من عمك بندر باع السياره شكم ورقة اخذ لان انه جنت وياهم
وانه بس جاوبته ...يحجي ويشهك
عمي ...وصخام وجهك شنهي بالموضوع
عش تفتن
..جدو والله مافتنت
نزل خالد ...شبي يبجي ..؟؟
عمي ..شو متهير ابو شهم وين رايح
...انتظر سليمان طالع بشغله
منو وياك علي
دحك لهيام تبجي وكلبها محترك
هيام ..عمه ضربه
حضنه وطبطب عالكتفه
يول انت زلمة شبلاك تبجي
وبعدين شما سوا هذا عمك مقام ابوك
وحتى هم تصير الك درس مرة انوب تتعلم انو المجالس اسرار
دك الجرس وطب خال خالد هو وخالاته
وعمتي انطشت وانلمت من فرحتها
وخالد اتهلا بيهم وعمي كلش فرح بفوتتهم
شويه وانفصلو الزلم طبو بالاستقبال والخالات ضلن كاعدات
وكل شويه خالتهم الجبيرة تبوسني
قبل الظهو طبيت للغرفة فقدت عالنومة
طبيت لغرفه عمتي
اريد افتح عيوني مبيا
طبت وراي هيام
...شبيج يولي شو اختلف لونج
..لا بس اغيد انام
.
طبت نور ها مريم خوما بيج شي
هيام طلعت جهاز السكر مال عمتي وقاست الي
...يولي شمتريييكة
...والله مااكلتو شي
..ذبت الشريحة وخلت الثانية
هيام ..يمكن هالجهاز ديخربط يولللي سكرررج صااعد
نور صعدي جيبي علاجها
التفتت الي ..اذا مماكله معناها احذ غاثج
دحكيلي يولي لا تصفنين
..مابي شيي
