إقامة جبرية
من مذكرات مريم
الجزء الثامن والستون ....
اخذت الجهاز احاول اتصل
دحكت شفت مكالمات لم يرد عليها ..من خالد
ومسج ...فتحته مكتوب بي
جاوبيني ضروري
....دكيت عليه...مغلق
تربعت بكعدتي ..شسوي ..ههه حتى لو اتصل راح ينطيني جرعة مسكن بكلامه
اعتب لو اشكي او ابجي لو شسوي
وان حجيت يكول انه بحلك الموت وممقدرين حالتي
مسحت دموعي ...دحكت ديتصل
....الووو
......مريم شصايرررر
....مليح اذكرت عندك مريم تغيد تعغف الي صاغ
اطمش عليي
دحك /باوع/انظر/تنوع/بحر/شوف /اغشع
هذة ايدي ...
شوف مكان الضرب
عتشووووف لو الله عامي بصيرررررتك
اش موقفك .....دحقلي لاتسكت
امك ترست اذانك
واخذت الموقف مني بدون ماتسمعني
...لااااا تبجين خلص اعتبري كلشي محلول
وحگ من زرع هالشارب بوجهي
لاخذ حگچ ترس ...
....بس والمسيح مااعطيك صبر رررر
ينعل ابو هكذ عيشييييي ...
...يولي والله وستر بنتي مراح اخليج يمهم
....والعذذذرا غاح انتحرررر
ياتعمل حل ياااهج يااقتل نفسي ..اكلتو اهانة وضرب
امك غلطت عليييي تقلي بلا اصل
انا بلا اصل خالد انااااا
حامي لارضك وانا عرضك قيعدي انهاااااان
....داحجي ويا واحسه انفعل مدري شدفر كباله ماي مدري عصير جان كاعد بمكان مفتوح لابس تيشرت اسود كله اطشر عالملابسه
سدددي مررريم
سده بوجهي ...
وبقيت متمددة اكثر من ساعة ...دك جهازي نور
الوووو..يولي شفتي الي صار
...اشكووو ...تعدلت لحتى افهم منها
....خايبه علكت للستار ... والعلوية تخربطت
خالد اتصل بيهم يمه يمه يرعد ويبرق
...اش صاغ
....والله اتصل مسح بيهم الكاع
انهت كلامها وراحت ....
... اخذت الشال والموبايل وطلعت لان اذا ابقى راح انفجر
ام سليمان ....مررريم وووين
التفتت ...خاليي انا انزل يم ام قصي
...اوكفي اجي وياج
لبست عباتها ونزلنا
المرة فتحت الباب وتهلت بينا
جان كاعدات يمها بنات بعمري واكبر يتعلمون النقش والشك والحياكة
وكاعدة وياها مرة جبيرة بالعمر
رحبو بينا وكعدنا ...
ام قصي ...راحت تسوي كهوة
وام سليمان فتحت مواضيه ويا المرة
واني عين عالشغل البنات وعين عالموبايل
شربنه الكهوة وخلصنه شو المرة ادحك لايدي وتتمعن بملامحي مدت ايدها وقلبت فنجاني الفارغ رأس" على عقب ...محجيت كلت يجوز عادة عدهم
وام سليمان تسولف وتمدح بيا كبال ام قصي
ام قصي او الاردنين بصورك عامة طبعهم قريب من العراقيين
نشامة وعدهم كرم ومن تكعد وياهم تحس روحك بين اهلك وناسك ..وياهم متحس بغربة ابد
ناس طيبين وحلوين المعشر
وهالشي لاحظته من خلال ترحيبهم اثناء تبضعنه من يسمعون اللهجه تنرسم الابتسامة عالملامح
وسؤالهم الدائم هو ...عراگيين صح ؟؟
