إقامة جبرية
من مذكرات مريم
الجزء الرابع والخمسون ...
على هالسوالف واندك الباب وانفتح... من الصدمة بقينا متصنمين واحد يدحك عالخ
هيام : ياااااا
عمتي :منوووو
جنان : عززززززا هذا عمو ابو خالد وام عباس ووياهم ...هذة اخلاص
دحكت الهم لا من صدك ذولا يحجون مو عالاساس يطلعون لحديثة
طبو والكل كام يسلم
اني سلمت من ورا خشمي وطلعت فوك وسديت الباب وكعدت بضجر
ينعل ابو هيج عيشة عالابو هيج وضعيه
تمددت واخذت الموبايل
دكيت عالخالد مغلق
كلبت بالجهاز مخلي بي رقم نايل سليمان حلا هيام عمتي
عفت الجهاز وكمت دحكت من الشباك
جيران الي كبال البيت مرة دتغسل الطارمة
وجهالها يلعبون طوبة وواحد بالحجلة
انتبهت نايل واكف جوا يم السيارة بيده الموبايل
يحجي ويأشرلي يعني سدي الشباك
سديت الشباك بضجر ونزلت
عمي وام عباس كاعدين بالصاله وياهم ام سليمان
ام عبسكة.... شلونج مريم
...مليحة ..
طبيت للمطبخ ماكو مكان اخط خطوة بي
واخلاص كاعدة بنصهم تسولف شلون طلعت من الموت
....وجان الدا عشي راد ياخذني والله ظل يسئلني
وكالي ذولا اهلج...؟؟؟؟ وجذبت عليه كتله ذولا مقام اهلي ربوني وتعبو عليا
رديت اني ..... داعشي غبي ..الي عاف جمالكي وما اخذكي
....يهييييههههه شياخذ مني يولي اروحن سبية
شكد حاقدة يالصفيرة وهههههييي
......من محبتي بيكي يالبگيرة وهم هههههههي
ايمان ...هههههههههههههههههه
اخلاص : يله مقبوله منج ماريد اسوي مشاكل واني اول طبتي هينا
تحجي وتلف كليجة تحشي
...اقول لكن ليش ماغحتي مع اهلكي ؟؟
...والله كلت شنون اعوفج تتهنين كلت لازم الحكچ
تحجي عود بشقة وخفة دم وتحرك حواجبها
ادحكلها من تلف كليجه تندمج وتمد بوزها ليكدام بتركيز
وكلما زاد اندماجها كلما بوزها ينمد
ادحك الها بعدم اقتناع وجنان ادحكلي وكاتمة الضحكة
هيام : نوريه عوفي من ايدج حبيبه وكومي رضعي ابنج
رديت ....اعملو انا حليب ؟؟
نور : مريومة ميسكت عندج هذا متنحس علمود اسنانه هسه انه اكوم
اخلاص: مو بسبب اسنانه بس هو ميسكت عد مريم لان حضنها ماشام ريحة الجاهل
هيام ..اخلااااااااااص لهينا وووووبس
...هاي شبيج خايبه
...دحكي مو شفتينه ساكتين دوسين ابطنه دتعيرين عيني عينك ونسيتي الي راحو ذولا جهال اخوووي
...والقرعان مو قصدي
...لا قصدج وشمتانه وحجيتيها بضحكة
...هاي شبيج عيوني متحاملة عليا
...لا ممتحاملة من طبت مريم وانتي وياها مناوشات
بالكلام وماحجيت بس توصل تعيرينها بجهالها الماتو انه اوكف بعينج واطلعها الج فهمتي لو لا
