مذكرات مريم
الجزء الحادي عشر ...
افتح بالشفرة ماتفتح ... كام بسرعة انقض عليا دفعني للغرفه وقفل الباب
عمتي ونائل كلبو الدنيا ....
الشفرة بيدي ... اراجف
وهو طب وقفل الباب ...
خالد: تردين ترحين لاهلج موو...؟؟؟
ادحكله عيونه حمرة .. انرعبت منه ....
ااااااااحجي ... تردين ...؟؟
...افتح الباب عمووو الله يخليك ...
تقرب مني ... اوديج لاهلج بس بالاول اكسرها لهذة العين ...
واشوفج الهمجيه والتخلف شلون يصيرون
دفعني عالتخت .. ردت انهزم لزمني من رجلي سحبني .. نطيته دفرة كلش اذيته عالايده
بس ردت اعبر من جهة الخ ولزمني مرة الخ
من رجليا اثنينهن سحلني
وصار فوكاي ..... شما اقاومه ميفيد
اتخبل فقد عقله ...يريد بس اباوعله حتى يضربني
يكولي بس دحكيلي بس خلي عينج بعيني
.. عووووفني...
دايرة وجهي صفح ... وارافس
تردين تعوفيني ....
.... عوووووفني دخيلك .....
...
يوووووولي انتي مااااالتي
اعيشج ويااااااي بالاكراه ومااعوفج
رافع ايديا فوك راسي لازمهن بيد وحدة وايد الخ يضرب عالتخت انجن كلت اذا اجت ضربه بالغلط وجهي يتفلش
تردين ترجعين مووووووو
.... عوووووووووفني الله يخليك .....
...اعوفج بس بالاول اريد شهم منج
... خالد عليك الله لا تأذيني ...
... اريده نفس العيون......
اابجي بصوت ... خارت قوتي .. ماظل اصلا حيل اقاومه مقلصه نفسي لدرجة احس مابعد اتنفس
خالدددد حمووووت
عاف ايديا ...
كبل حضنته بالقوة الباقيه بجسمي حتى اعيق حركته ... احس.جمدت
لاتضربني والله بعد مااعيدها
ماريد اهلي ماريد
بس لا تاذيني بعد والعذرا مااكول اريد امي
توبه .....
خااالد فدوة اتركني ....
خلى راسه بركبتي ...يشم بيا
حسيته هدأ ....عافني وتعدل كعد عالتخت
اعوذ بالله من الشيطان الرجيم
اعوذ بالله منك يااابليس
نزل راسه بين ايديه ويتعوذ ويستغفر
كبل كمت رحت من ذيج الصفحة مال التخت
صرت بزاويه الغرفة لميت شعري ورا اذاني ...
وعيوني عليه تترقب ... صرت وراه واكفه ادحكله بكل حذر ...
اريد اوكف عدل ...رجليا ترجف من الخوف كمبصت
حضنت روحي ....بس ليكوم مرة الخ يضربني
وكل هالموقف واهله مابطلو يدكون الباب
حتى هيام من المنور ادك الشباك
