مذكرات مريم
الجزء الثاني والثلاثون ...
وماسكت الا اخذ الجهاز منها وكعد يكلب بي
دنسولف ونضحك شو الطفل شغل اغنيه قاسم السلطان يم ثوب احمر
كبل انتبهت .....
معقوله صدفه كمت بدون تردد يم الطفل
هي كبل سحبت الجهاز
مخلتني اشوف من وين مصدر هالاغنيه
شدتخطط..الله العليم
قبل المغرب كمت سويت عشا
طلعت بركر جاهز طبت هيام
عيني مرريم رجعي وطبكي تمن وتشريب احمر
بهالليل ؟؟؟
...عجل بهالبرد اطعميهم لفات ؟؟؟
طلعت لحم وسويت تشريب احمر وتمن
كملت كلشي وعفت يتهدر
غسلت مواعين مخليت شي بالمطبخ
طبيت كعدت نوال متهيرة تريد تروح
بس بنتها اجت يمي
..عمة مريم كولي لماما ابقى يم جديتي
لان متقبل
...ليش ماتقبل
... لان انه واكع براسي اخوي الصغير
متريد اظل
...دحكتلها بعطف وابتسمت خطية تريد تهرب من المسؤليه وبعدها شكدوتها محمليها مسؤليه اخوها
دحكت لنوال تلبس جواريبها
ام محمد ليش ماتخلين دعاء يمنا ؟؟
نوال... واخوها يا مريم متعلم عليها
اذا ظلت يشلشنا شلش
...اي بس خطي بس انتم هشكل عتصادرون طفولتها وابتسمت
ها تخليها
نوال ...يابه الخاطرج خلها تظل
البنيه كبل كمزت عليا وحضنتني
احلى مرة خالو بالدنيا
هيام مقبلت بيت عباس يطلعون
فرغنا العشا وكعدو تعشو
عمتي...خالد ماتتعشى ابني
..مااشتهي علويه
...هاي شنو انت وبنتك حالفين يمين متاكلون
...ليش شبيها حلا ؟؟؟
هيام... ماادري بس كلشي مااكلت ومكضيتها نوم
...مريم كومي صيحيها
كمت للغرفه نايمة بسابع نومة
طلعت ..خالد نايمة !!
تهمم هو وكام للغرفه
كعد عالطارف السرير باس راسها ويكعد بيها
كومي اخذج اغيرلج جو
..بابا تعبانة احس جسمي وزنه طن
كومها ليم عمتي كعدها
يما من تخلصين عشا رقيلها ....ومن تخلصين بدلي اطلعج
سويت جاي ..بيت عباس كالو نشرب جاينا ابيتنا
وسلمو وراحو
انتبهت لحلا فعلا وجهها اصفر كركم
ومتكدر ترفع راسها
كملت وبدلت واخذها ابوها
راحو مرجعو الى وقت متأخر
عمتي نامت وهيام كاعدة بالصاله تسبح
واني كاعدة ويا بنت عباس سوالفها سوالف العجز
تموت ضحك خرطت سوالف اهلها كلها كبالي
وكل شويه تكول اكوم اجيب المشط اسويلج ضفاير
...ولي اقعدي من تمشطيني انام
عدا وقت وطبو خالد وحلا
شايله كومة شغلات متسوك الها
نزل نايل من فوك
