مذكرات مريم
الجزء السادس...
نائل يصيح .. كال هسه والله لاخبر خالد اليوم اخلي يهججكم من صدك ...
بعده هستوه يتصل طب عمي وخالد ...
اول من طب اجت عينه عليا .... ذب السبحة والموبايل عالتخم.... واجه طاير عليا
سحبني من ايد هيام ...
خلا راسي بحضنو ...
منو وياها ؟؟؟؟
صرخ منوووووووو وياااها...
نائل :مرة ابوك وياها طبيت على صوت صراخها
مرة ابوك نايمة فوكاها...اَملختها
منين هالدم ...
هيام:من خشمها دتنزف
جيبي شالها وبدلي بسرعه ..يله خووويه تحرركي
ناااائل ..... روح شغل السياره
اجت هيام ها خويه لبست يله ..
شالني وكام ..... باوعلهم
بس خل ارجع.... وحسابكم يمي احسبو قيامتكم قاييمة اليوم
طلعنا للمستشفى ... احس بدوخة وغثيان
وهيام بيدها المنشفة ...وصلنا الدم قل نزيفه
نزلوني .. وطبينا ....
كعدوني عالسديه .. اجه الطبيب
خير ... من شنو هالنزيف ....
هيام: وكعت دكتور وكعت
تفحص خشمي كال شو حاولي تتنفسين
كتله مااطيق... هسه استنشق الدم وازوع عليكاا
د: يله يله مو لازم لتتعصبين
كتب عالورقه .. كال للاشعه
طبيت اخذت اشعه ... ورجعنا لدكتور شافها كال الحمدلله ماكو كسر... حاول يتلمس خشمي كال نزيف بسبب الضغط شاف راسي
كتبلي علاج
كال اخذي هذا الحب .. ميظل اي نزيف
وخلي كمادات باردة عالمكان تقبض الاوعيه
وهم تخفف من الكدمات
وماعندج الا العافية
جاوبه خالد ... تسلم دكتور
طلعنا ... نائل متكتف وساند روحه عالسيارة من شافنه اجه هااا خوما مكسور ...؟
خالد:لا سالمه ... بس خل نوصل والله كريم
نائل:حمدلله عسلامتج اخويه
صعدنا وهيام يمي حاضنتني واني راسي مسطور
كصتي من يم منبت الشعر عنجرت
احس بألم فضيع ودوخة ...
بس صعدنا بسيارة ... اشتغلو تحقيق هو ونائل
ويا هيام
شصار وليش وشكالت ؟؟؟؟
هيام مثل ماهي حجتها ...
نائل::بس خلي ارجع الا اح ..... الا ......
خالد: صبرك نائل ... والله فلا ابيتها الهم
يسوق ودمه مشتعل ...
كتله عموو والله هذه اخلاص تكذب كل هالشي ماصار خذة تألف
هز راسه ....
