أقامة جبرية
الجزء الثامن والثلاثون ...
خلاني اطلع من طوري
وكمت اصرخ دخلت بنوبه هستيريا من الصراخ
وكأنما صابتني عدوة من تصرفاته
....مرررريم
انتي طالك
واكف كبالي ايديه ترتعش
واني عيني بعينه
...هسه ارتاح كلبج مو ؟؟؟ طلع جكارة ويفتر بالغرفه متوتر
مادري ليش بجيت احس كلبي انمرد
...علش تبجين موو انتي ردتي هيج ..؟؟؟
لزم الجكارة هي ومشتغلها وفعصها بيدو
وكعد عالطابوريه يفرك بكصته
واني كعدت عالتخت
صافنه بي وابجي
...استحلفج بالله
بس جاوبيني شتردين شنو يجول بخاطرج
يحجي ومشابك ايديه ترعش
وكصته تزخ عرك عبالك تمطر ...وكل شويه يبلل شفايفه
احس ريكه نشف
..علش هالدموع ...جاوبيني بويه
حاجيني ليش متكدرين تعيشين
ردتي تشيلين ايدج من البيت عزلتج ومكلت لا
صار شكد حارمتني منج وماعترضت ولو انه سامع الزلمه هو الي يهجر المرة وبالقرأن الله ذاكرها
بس انه وياج دامشي عكس الي الله ذاكرو
شنو بعد ..!!
نور حجت سديت اثمها وشحد بشر بهالبيت ينطق بأسمج بالموزين
امنكص عليج شي ؟؟؟
حاااجيني وبلا بجي انتي مو صغيرررة حاووريني
... اش احكي !!
انا ما مرتاحة
اصلا كل هذة العيشه ماكنتو راسمتها بدماغي
اصلا زواجنا غلط
تمام زواجنا غلط راح اجي وياج
بس فهميني الزواج الصح من منضورج شنو
زواج الصح هو الاستقلاليه ومحد يحاول يفرض رأيو عالثاني ... انا من حقي اعيش بنفس البيئة الي كنتو بيها
مااريد احس انك مفضل علييي لانك ادافعلي وتاخذ بحقي
لان اساس تدخلهم غلط وجودهم بحياتنا غللللط
اذا تريد تفضل اعزلنا بيت وحد حالي حال بنتك ماردت تعزلها .؟؟؟
حالي حال هيام ..... انا ما مجبرة اتحمل كل هالمعاقيين فكريا
انا مجبرة بيك فقط وامك اخليها بعيوني
انت وضعك مثل الي يحاول يشيل فوق طاقتو ووقت الي تتضايق من هالحمل تجي تفرغ سلبيتك بي اناااا...
الصح من منضوري هو تسمعني واسمعك ماتصادر ارائي وتستحكمي ...لاتقول عني حاقدة بس انا مااقدر اغفرلك مااقدر اسامحك
من اتهمتني مع ابن عمك ... ولا رفلك جفن ولا حاولت تحل معاي المشكله بهدوء
ليش؟؟لان سليمان هو وحي مايكذب مايغلط كلامووو سند وانا اشنووو انا بنت ليله ويوم فتو بحياتك اكيد ما تثق ولاتصدق
انا تخليت عن مبدئي وديني وعاداتي وتقاليدي ومدينتي واهلي
وصرفت نضر عن كثيغ امور ...انت ما حكمت عقلك وقلت مستحيل تعملها ؟؟؟؟؟؟؟
لحظة لحظة .. تخليتي عنهم في سبيل شنو؟؟؟
عاشكتني ورضيتي بيا بسبب العشك ؟؟؟
لو ماخذج فصل وخاوة؟؟؟
انه ماجبرت احد ..انتي وافقتي لخاطر اهلج مو لخاطري
وانه من اول يوم شفتج بي وصار كل سعيي بهالدنيا اشوفج سعيده اشوفج مفتحة مثل الوردة يمي
