إقامة جبرية
من مذكرات مريم
الجزء الخامس والستون ...
دك الجهاز دحكت هذة هيام
....فتحت المايك وجاوبت ها هيااام بشررري
...مرريومة ..ولدت ولدت بشررريهم جابت ولدين صلوات عالنبي
...عمتي كبل دارت كعدتها باتجاه البلكونة وسجدت عالقبله
وتبجي....عدلناها وعمي يحضن بيها
وحلا تغمزلي وبنات ام سليمان يضحكون
ولدت نور اول نهار رمضان 2015 وصار عدها 4 اطفال 2 جدتهم ام عبسكة و2جدتهم العلوية
ثاني يوم من الصبح طلعوها للبيت
والفرحة تارسة وجوهنا
بوستها وسلمت عالنايل وباركت اله كلش فرحان بس حسيت فرحته منغصه يصفن فرحته بيها مزيج من الحزن
كلش ضجت علموده
الاطفال شكلهم يطير العقل سبحان الخالق
صدك المرة مثل الارض شتزرع بيها تحصد الجهال نسخة من نايل رغم شكلهم مورم بس ملامحهم واضحة كلش
دك موبايلي.... خالد...اتسحبت وطلعت من الغرفة
....صباحووو حبيبي
...ول ياهيج الصباح يا بلا...شلونج عافيتي
...مشتاقتلك حبيبي
....مو بكد شوكي ...شخبارج شلون صرتي
...مليحة كثيغ
..انه اروحن فدوة ونذر لهاللسان
شو صوتج تعبان شنو جنتي صاعدة نازلة...؟؟
..لا والله قيعدي بس اتعب احس ماكو نفس
....هانت يبعد هلي
شلونها حرمة نايل
....مليحه والولاد يخبلون اشقد حلوووين خالد
...يبعد روحه لخالد...انتي هم انتبهي لروحج وتجيبين احلى منهم
...اغيدو يشبهك
...والله شلون ميجي الحمدلله ..اهم شي خليها ابالج اهم شي عندي هي سلامتج
..الله يدحق لحالي وتعدي عالخير
...تعدي يبوية ...شلون اجواء رمضان يمكم....
مليحة حبيبي.... ناس اليوم صامت وناس البيحة صامت
....ههههههههه المهم صامو
...اي وانا بنصهم اشجع الفريقين هههههههه
اقلك خالد
...گولي جعل محد غيرج يكول
...اتصلت بنايل ..؟؟؟
...لا والله هسه اتصل بي
...خالد اغشع معغف اشبينو ضيج
....شبي الجهال خما بيهم شي...!!
...لا بس اتوقع زاد حملو وشغل ماكو وقيعد
وهذولي لحق الهم حليب وحفاظات ولو انت بيا حال وانا ايش احكي
....ول والله معدلة دحكي عجل سدي حبيبي خل اتصل بي
...ماشي
..........طبيت وجهي يضحك وعيني عالجهال
يمه شحلاتهم اكلهم اكل اني اكرطهم
هيام ....ولادتهم اتسهلت الف الحمدلله
يله مررريوم شدي حيلج وشوفينه الانتاج الحلو
اتوقع يجي ملون
العلوية....هو خويلد دمه ينشرب
ام سليمان ....الله يكومج بسلامة مريومة
لميعة ...هسه يجي اصفر ودمه جامد عالامه
حلا ... عالكيفج جدة اذا يجي يشبه امه يتحسن نسلنا .....
...وليش شبي نسلنا خايبة....
...جدة ددحكي علينا مو كلنا جلحان خوب شايفين ولد عمي عباس تكول تهريب من باكستان
واحدهم خشته جنها كبايه خاصة ذولا الصغار
...اي صح خشمهم كبيغ بس ينحبون يشبهون جدتكي ام عبسكة
الحجي ...ول فديت الي ادلع ...دحكي لميعة شحلات ام عبسكة من حلكها
