أقامة جبرية
الجزء الرابع والأربعون ...
...يول وحگ علي بن ابي طالب مطنكره
وزعلانه
وبالحرام اليوم متنامين ولاانام اذا مااعرف شسالفة
وهذة كعدة ....
اغشع كوي اعصابي انتهت
لا تخليني افقد ماتبقى من صبر ...لا تضغط علييي
بلا ضغط راح تحجين...وغصب عنج
كافي لهينا وبسسسس شاسوي واني مامرضيج
بس ارررريد الرضى ولج بشنو قصررررررت
بلحضتها بجيت من كل كلبي
حسيت الي داعيشه كابوس وانفرض عليا كلما افكر ابقى انصدم
شحجي وشكوله اكوله انت جنت متزوج
وكذبت عليا ..لو اشتريتني بفلوسك
شفتني عالكد ايدك لاعمام لاخوال تنام براسي شكول ...اسكت اموت واختنك
واذا احجي راح افقد كرامتي
توالات الشهكات بصدري حسيت اختنكت
كام بسرعة حضني وكعدني يمه عالتخت
شصايرلج بس فهميني
كافي تبجين
اتركني وبس.... انا ارتاح
...لاحول ولاقوة الا بالله
عافني وطلع لغرفه الخ
ليلتها للصبح اني اناشغ واشهك
مكدرت اتخذ اي قرار
تفكيري انقسم نصفين
نصف الي هو قلبي وروحي هالنصف متسامح وراضي وماشي بمبدأ عفا الله عن ما مضى واكول ليش مكبرتها وهو ماضي وانتهى وخلي اعيش حياتي وهو ممقصر بشي ومشايف غيري والف من تتمناه
ونصف الثاني الي هو كرامتي وكبريائي
نصف ماشي بمبدأ ...وعند كرامتي سلاما عليك وكأنك لم تخلق
صراع من التفكير بداخلي
خضت حرب بين العقل والقلب حرب اذت قلبي وعطلت عقلي
صرت عاجزة عن اتخاذ اي قرار
لاقلبي يستوعب افكاري ولاعقلي يشعر بقلبي
حسيت بي طب للغرفه صوته يستغفر التفتت فارش السجادة وكاعد بيده السبحة ينتظر الاذان
اذن ومع صوت الاذان اخذتني الغفوة
بس مااخذتني لنوم هاددئ
لا اخذتني لعرس بيت اهلس وهوسة ضجيج
من الاغاني الممزوج بالصراخ
وجوه ماعرفها بين الي يضحك وبين الي يبجي
الناس كلها متوجهة الي تهنيني وتبارك الي وكلها تبوس بيا ماعرف عالشنو
شفت خالي وزكريا وخالتي ديركصون ركص بخبال
الأجواء مزدحمة وناس مااعرفها يوكفون كلهم ياخذون صورة بعيده عني
ادحك سياره خالد واكفه سحبني وصعدني وياه
اخذني واني مقهورة لان ماخلاني وياهم
كعدت من النوم الشمس عاليه
والغرفة متروسه ضو يضرب بوجهي
صفنت للغرفة استوعبت هذة الغرفة الثانيه
بدلت وغسلت ونزلت ديصبون الغدا ...
عمتي ...شلون صرتي بنيتي..؟؟
..اقول الحمدلله بس ما مليحة
....ليش ياامي ..دحكي وجهج مورم ... رادو يكعدوج مخليتهم...لان خالد كال منامت للصبح
..اي صح والله مانمتو
..هذة منو عدنا ؟؟نوال؟؟؟
..اي جابها عباس الصبح لان نور متكدر وحدها ابنها ظهره مبروك ومديسكت
