مذكرات مريم
الجزء الخامس ...
اريد استوعب ظلمة بس ضو الصالة يضرب عالغرفه
فتحت عيوني ....
ابو شهم : بالي يمج يابه قلقت عليج شلون صرتي؟؟؟
كتله ابوو شهم ....
كال عيونه لابو شهم ...
هو مكمبص يم راسي والسبحة بيدة ميفاركها ابد
رفعت راسي العلوية ماكو وهيام هم
تعدلت ... هذولي وين غاحوو
ابتسم .... غاحو يتوضون
باوعلي ....كومي نامي عالتخت يم امي
لا هوني مرتاحة يم ام علي ....
ام علي متعودة يبوية ... خاف تتكسرين من نوَمة الكاع..؟
لميت كفشتي ورا اذاني .. كتله الله يعينه على نومة القبر
ابتسم .. گربان هالحلك .. كون يومي قبل يومج
بعيد الشر عليك ...
تعدل كال اروح اصلي
عافني وطلع
هذا شبي .. شنو ماشايف نسوان .. هذا خاف يتحرش بيا؟؟؟ .
بس حتى لو هو حلو وحلالي .....
كمت متكسرة تكسير وعطشانة
كمت تمشيت مديت راسي ... بالصالة شفتهم يصلون ....
هذة العلوية تصلي عالكرسي
وهيام فاله ايدها
ونائل رابطهم من يصلي
مخليهن عالسرته...
العبببب... ذولا كل واحد شكل
الكاعد والواكف والرابط ...
شسالفتهم !!!!
طلعت اتسحب للمطبخ ... شفت ثلاجة الماي بجانبها اكواب استعمال واحد .... باوعنت ذني ميرووني
سحبت كلاص وشربت ....
طب الحجي من الحديقه ..دشداشته متنكعة
صفن بيا وهو يرفع رداناته
كتله ....صباحوو عمو ......
عمي : هلا يول.... صباحو شنهي ؟؟كولي صبحك الله بالخير عمي
رديت بضحكة ...صباح الخير دادة ....
ضحك كال صباح النور ..
مشى كدامي وطب يصلي ... صفنت كلت اشوف ياحركة يصلي فضول فضول
شو وكف وصلى مثل نائل...
ذولا شسالفتهم.....
خلصت العلوية شافتني صافنة بيهم
ابتسمت الها .... مدت ايدها ... بمعنى تعالي ساعديني تريد تكوم
رحتلها ساعدتها... فوتتها عالغرفه واجت هيام وطب نائل...
شحلات جمعتهم ...
نائل راح تمدد عالتخت امه
ولاف رجل عالرجل
كال لامه : يووم شتحتاجون من مواد ونقوصات كتبيهن حتى الصبح اطلع بوجهي اتسوك
ردت هيام ... اني اكتبهن الك من اكعد
سو هذا طلع جهازة ويلعب لعبه عمتي كاعدة تسبح بالسبحة وهيام تمددت واني كاعدة محصورة بالكنتور حصرة الجلب
