أقامة جبرية
الجزء الثامن والاربعون ...
صعدت للغرفه تمددت احس ظهري انتهى من الالم والتعب ...غفيت وكعدت عالصوت
صريخ .....
فزيت وكمت بعدم توازن بالي يم خالد
وطلعت وكفت يم الدرج صوت نوال
تصرخ رجعت طبيت للغرفة لبست الشال ونزلت
اني وعالدرج واشوف عباس يسحل بنوال
ومحمد صاير بالنص
وهيام تدفع بعباس
محسيت الا لميعة مدري منين طلعت كمزتلي عالدرج وسحبتني من شعري
...بنت الكلب كل الي ديصير بسببج كح......
عفت المحجر اريدها تعوفني جلبت بيدها وزلكت اني وياها عالكاع
ونامت فوكاي
نور وهيام سحبوها ورجعت هدت مرت الخ
اريد اشوف استوعب شديصير من وحشيتها مكدرت غطيت راسي بأيديا وهي تكفخ
هيام ونور دفعوها وهي ذابه روحها فوكاي
سحبوها مني ..بس كمت وكفت حسيت بدوخة فرتني فرر وكعت من طولي الصداع الي براسي
قوي واحس ماكو نفس اشهك
اعصر بهيام
...ووولكم ددتموووت
حسيت انرفعت من كاعي
كمت انفض برجليا الهوا انكطع مادري شكد مر من الوقت
فتحت عيني بغرفه عمتي
هيام دتبجي ...ولج شصايرلج
...وين خالد
....مريم اليوم مراح يمر عالخير وكولي كالت هيام
...تعدلت واني مسطورة براسي
قاستلي السكر .....طبيعي
اسمع صوت لميعة تغلط وترجع تبري نفسها
والحجي يهدد ويفشر عليا وعالنور وعلى عمتي ما خلا طلع بس لميعة شريفة
شويه وانكت صوتهم سكتو
هيام ...عزززا هذا صوووت خالد اجه ربي سترك
ربي استرنااا
عافتني وكامت... انفتح الباب وطب وعيونه تتفحصني
...شصااااير ...؟؟؟.شكوووو
اجه يمي ولونه مخطوف
شبيج منووو وياج
هيام ...هبطت ابو شهم هبطت شافتهم يتكاونون
....شكو مريم ...دنكت راسي ...ماكو شي
دحكيلللللللي رفع حنجي بيده
منو وياج ...؟؟؟؟؟
تحجين لو بطلاك احرك البيت هسه
هيام ...لميعة ضربتها
هو سمع لميعة بدون تفاهم فتح الباب وطلع واسمع صوت صراخها كمت وكفت هيام طلعت قبلي
واشوفه لازمها وبالعكال يضرب بيها ملخها
والحجي يسحبه...
ميكدر يخلصها
بنت الكلب ولج حركتينه حرك
ماعافها الا طب عباس خلصها
انوب عاف لميعة وتلازمو هو وعباس
لزم عباس كتله وطردهم هو وامه من البيت
واخر شي التفت لابو ...تريد تغضب كتلي مو ؟؟؟
اغضب براحتك وتريد تلحكهم ذاك الدرب
عالاقل اعيش مرتاح ومتونس بدنيتي
عمي عاف وطلع
عمتي ابد مارضت عالتصرفه لخالد
وهو فقد اعصابه ...وهي التزمت الصمت لان متكدر تحجي وياه وهو بهيج حاله
احسه من يتعصب يفقد عقله مو هو خالد الاعرفه
ينسى منو الي واكف كباله
رجعت كعدت وطب وراي
....انه ما كلت ااااااااااصعدددددي
يوووولي كلامي عندج والقووووندرة
ول كلت لوووو لا
....والله ضليت فوووق مانزلتو
....سكتتتتتتي لاانعل ابو هيج حاااله
كلامي والنعااااال يمج
