أقامة جبرية
الجزء الواحد والاربعون ...
.تماضر من الاخير كافي تلوفين وتحومين عالزوجي لان لو تموتين ما يدحق بوجكي وكلمة زيدي منكي والله اطلع قهر هالالم بيكي
مدت راسها اخلاص
هذة منو تلوف عالخالد ........
شو كامت طبت هي ودشداشتها الخضرة الطوخ
...يدحك علمنو عيناي ...؟؟؟
تماضر ...سدي حلكج اخلاص وطلعي برا لو متعلمة عالاهانه والدمغ
اني كاعدة والدوخة ماخذة نص حيلي
وذني يتشاعفن على رجلي فوك راسي بكل وقاحة
تماضر واكفة يم الكنتور مكتفة
وهيام فاتحة الجنطة اطلع الغراض
اخلاص: طلعي من الغرفه تماضر وخلي البنيه ترتاح
...ومن شوكت صرتي حنينه
اخلاص...تطلعين لو اصيح خالد
....هو كل همج تحجين وياه بس والله لا تحلمين
هيام ..ياززززززززززي خلن عدجن دم
صدك ماكو خجل ماكو مستحة انعدم الذوق
تماضر: هيام اعتقد مريم عدها علم بمشاعري
اخلاص :نشوف حبيبه المن يصفى
احس الدم صعد براسي
لااكدر اصيح لااكدر اكوم
كاعدة لاحوله ولاقوة
كلت هيام اعطيني الموبايل
داحجي ويا هيام
وتماضر مشت رادت تطلع سو اخلاص دفعتها كتف بكتف وذيج ماسكتت ووحدة لزمت الخ صارت من الروس
هيام رادت تدفعهن وطبت نانه رداسه بيدها شحاطة عمي
ولزمتهن وين الي يوجعهن
برررررابيك ...كحااا.... تتكاوونن عالزلمتها
لزمت تماضر من شعرها ملختها
وطبت ام عباس خلصتها
بس اخلاص ماخلصت لزمتها بالنعال
تماضر طلعت واخلاص اكلت كل الكفخ وقست بيها
بنت الجلب جنج مزار بهالدشداشه
حشا المزار بربوك وجه الفكورة
عمتي اجت تتعكز عالجاكون وام سليمان خلصتها
نزل خالد سابح ومبدل والبيت صاير عبالك فرصه بمدرسه
علش اصواتكم طالعه؟؟
عمتي ..ماكو شي ابني ..ماكو شي
...اغشعتي الوقاحة اغشعتتتي من احكي وازعل لا تلوموني
....انتي بس صبرج وشوفي شحسوي بيهن
طب خالد للغرفه ...هيام طلعت
وهو سد الباب وراها
يول منو مبجيج هم يوجعج جتفج
اجه كعد يمي وضمني بحضنه ويتلمس بمكان الضماد ..شو خل اشوف
لا تشوف انت بس لو اطلعني من هالمستنقع وتكسب اجر قيعدين يتقاتلون قدامي عليك
انت ليش ماعتحس ليش ما عترحمني
...يولي والله مااشتريهن بكطف جكاره
ذني يجاكرن بيج ..ليش هالدموع
شو دحكيلي
يبوسني من دموعي
وماخلا مكان بوجهي ماباسه
انت عيجبك الوضع ومكيف
قرب وجهه مني ويهمس
انهجم بيتو الي يعشك غيرج
بس يولي ذني ميستحن منين اشتريلهن مستحه باسني من ركبتي ما تتمددين ترتاحين مو احسن الج
لا تطلع خليك يمي
