مذكرات مريم
البارت العشرون ...
نور ...شكوووو شبي نايل
نوال ...يولي نايل تصوب بالانفجار ...
نور ...عزززززا العززززززاني يمه راح الزلمة
عمت عيني يوووولي كرفته مثل اخوووووو
نوال ....يولي لتفضحينه
لتفاولين عليه لهسه منعرف شكوووو
اني من سمعت الخبر ايدي ترجف
عمتي ...طبت للمطبخ
شبيجن شكووو نوال
نوال... ماكو شي عمه
عمتي...شبي نايل شصايرله متحجوووون
نوال ...عمة تصوب بحادث
واصابته خفيفة
عمتي .... يمه ناايل راح ابني...اتصلولي بخالد بسرعه
ام عباس ...شنو من حادث...يولن شكوووو
نوال..... مادري خل اتصل
نور طبت جوا بغرفتها
نوال اتصلت بخالد ميرد
كامت اتصلت بعباس وانطته لعمتي
عمتي ...عباس وليدي انت متجذب
شبي نايل ياامي
اذا ميت كول لا تخليني عالصوابي وليدي
عليك العباس ابو فاضل صدك ......
سدته وشبه مطمنه
.... ..اشبينو عميي
عمتي ... مريم اتصلي بهيام خلها تجي
ام عباس... شبي الولد غير نفهم شصاير
عمتي ... عمت عيني عالولدي ممرتاحين
عباس يكول متصوب واصابته خفيفة
دكيت عالهيام ردت
الو هيام ...اسمع صوت هوسه يمها
هيام ...مريم اني بالمستشفى
...اشبينو نايل خوما متأذي ...؟؟
مبي شي مريومة جسمه شضايا
اهون من غيره تعالي شوفي المستشفى غصت
وادم بلا اطراف مدري شكم واحد مات حسبي الله ونعم الوكيل
كولي لنور ابو شهم يكول خلها تحضرله ملابس
ونزلن سرير ابو النفر من فوك خلو بالصاله
احتمال شويه ويطلع بس يكملون ضماده
هي تحجي وعمتي خبصتني
نطيتها الموبايل ورحت لنور لغرفتها
قووووومي راح يطلعونو عليش تبكين
ولي مابينو شي
نور ... يولي خاف بي شي وميحجون يخافون عالعمتي
....لالا هسه هيام كانت عالخط تقول خلي تحظرله ملابس ونطلع فوق نجيب سرير
اجت نوال ...يلا بنات شدن الهمة
هالعشيرة اذا بيها واحد يعطس يسوون بيتو مزار
كومن البيت راح ينداس وادم
بسرعة طلعنا جبنا السرير
فرشته وخليتله جرجف
نور حضرتله غراضه
نوال ...مطابخين شي ؟؟؟؟
نور ...لا والله اني لقحت لذولا ومريم كضتها مكاون ويا ابو شهم
نوال...خل اتصل بمحمد يجيب غدا
