إقامة جبرية
من مذكرات مريم
الجزء الثالث والسبعون ...
نطيته ايد وحدة وسحبني
من وصلت حسيت بالطرش وصوت طنين براسي
سحبني ويصيح.. عاونيني /ساعديني
خيتي ليش تصعبينها ..
حسيت عالروحي هو صح كلابيتي من فوك مقفله
وردن بس سيقاني طالعة وشعري مفتوح
سندني تعكزت على كتفه وكمزت عالسطح وكعت عالقدم صرخت من الالم كعدت لميت نفسي وشاغت روحي
الدخان عمانا عمي
اريد استوعب الي صار ومااسمع لو صوت مثل الانفجار
جلبت برجل سليمان وصررخت
سليمان يحجي بأستعجال وبس راد يطلع من هالموقف الي تخلينا بي ...نااااايل بررربك لدددحك خليك يمها عافنه ونزل مستعجل
نايل ... منو مريم ..؟؟ بس اااحجي منووو سواهااا
...لميعة انااا سمعتوووها
...والله لاحركها هي وطيبة
..يدحك عالرجلي كلها تتجارا دم
....لتبجين اليوم لاخلي طشارها بفلس شوفي شلون اخذ حگج تكدرين تكومين ...هزيت راسي واني ابجي
ب لاااا
...استندي علياااا
...انفضحتوو نايل انفضحتووو انااااا اغشع حالي وين وصلتووو
خلي يجي ااااخوك ويغشعني انكشفتوووو
...يولي اشرف من خواتي انتي كومي لشوف
سندني واني مبيا ادوس عالرجلي
طلعت هيام وحلا للسطح يتبجاون
سندوني بسرعة
نايل ..عش تتبجبجين عيني هيام ... والله حسابكم يم الله ويم خالد بس صبركم مسوية روحج مقهورة
هيام ...نايل لطلع قهرك بياااا ترى حالي من حااااالك
..يله يله نزلوها وبلا حجي
نزلت كعدوني بغرفة نايل
والطابق متروس زلم حتى الجيران صعدو
كعدت وكلمة ماحجيت وهيام شدت رجلي وجابتلي ملابس من حلا
حلا نضراتها جدية متعصبه احسها مو طبيعة
هيام كعدت يمي وتبجي حضنتي
دفعتها وحست عالنفسها ...ابتعدت
جنت مرعوبة من الكل ومااريد احد يتقربلي .... وبس ارجف ريحة العطاب تارسة البيت
من بعد ماكلشي انتهى والناس راحت مكدرت ابقى نزلووني جوا ....واني احس الدخان كله بصدري
العلوية اجت حضنتني وبوستني وتبجي
يولي مريم صح متكدر خاطري منج ..بس انتي بنيتي
هي تبجي وتحضن
واني ولا جاوبتها بس دموعي تصب
الحجي ... شنهو السبب
نايل :- **** امه الي يكول تماس ****اخيته
شغله مبينة اكو من رش بانزين من جوا الباب
الحجي..سجلوها تمااااس تريد تبلي الوادم انت
منين النا بانزين
العلوية .. هو منو صعد فوك شو انه وهيام وحلا بالبيت وخالتك ام عباس اجت ٥ دقايق وراحت
نايل ...وشهد شاهدا من اهلها
الحجي :-لف ماعندك ولا تحط لميعة براس الدفتر
