إقامة جبرية
من مدكرات مريم
الجزء الرابع والسبعون ...
حلا ...بابا هذا عمو عباس برا واكف يريدك
...كوليلو يفوت
...كتلو ميقبل جا هو وخوالي برا واكفين
اخذله نفس من الجكارة وطفاها وكام
نور...هسه تشتغل الواسطات استلمي
راح يرجعونها
...اذا ترجع انا ماابقى لحظة هوني
...ذيبه يولي ذيبه هيج اريدج ...
...عليش تحركين بحواجبكي حقيره
ووينو شالكي اغشع سفردحكي شعركي
....حلو يول حلو
اكولج مريم تتوقعين هالوضع راح يستمر ونعيش في هناء ورخاء
..وليش لا هذة ابسط حقوقنه
...يمريم اني مو مصلحجية والله والله بس اني انكس من وضعج اكلت ظلم بس الله يندل بي
وهسه لكيت الامان ...يولي اني عايشة بجالكم وبخيركم
...لاتحكين هكذ ...كلو خير الله
...هسه خالد ميرضى عالامه ويرجعها ويطلعون اسباب والله عدها چناين اثنين وطاردها وحدها
ومحد يداريها والله راح يخلونه علچ بحلگ الوادم
...معغف نور هذا كلامكي ينرفزني
...انه داحجي هيج لان ادري شلون يخططون لو العلويه تمرض بنفسها تايروح خالد يردها
ومن ردت هينا گولي التم الشمل والـتمت الحلوات من كل بيت حلوة التمت واترف اصابع ليله الحنة بعذابي تحنت
و فـد نـوب ، فـد نـوب مـامـش وفـه لـهـنا وصـلـت
...ولي اغشع قلبتيها فاضل عواد ..صوووتكي غاح يفوت يرزززلكي
...من ضيمي يولي ....
طبت حلا متذمرة ...والله ماعليا كومي نور سوي زقنبوت جاي والقران مو خوش سالفة
عفتهم ديحجون واني كمت ...للغرفة فليت شعري وادحك لوجهي شكد تعبان اخذت الخيط وطلعت يم نور
خليتها تحفلي ...
وطبيت سبحت وكشخت بكلابيه ماروني
وَكعدت اتعلل ويا حلا ونور وصارت ساعة 2
ونحن سهرانين وعباس واخوان اخلاص كاعدين انوب اجه سليمان وصديقهم ساجد
عبالك نهار مو ليل
وصارت ساع 4 وكل شوي نايل يطلع يسوي جاي
دفرت المخدة وكمت نمت ...
كعدت الصبح مموجود
طلعت غسلت ونور تسوي ريوك
...صباحو رويم ..شفتي البارحة من طبيتي نمتي
شصار
...اشصاغ
...اجه عباس ييتوسل ميريد يطلع من البيت
واخوان اخلاص جايين يبيضون صفحة خالتهم العوبه
...لكن وخالد وينو
...خالد راح ويا سليمان
...ليش سليمان نام عدنا ؟؟؟
...لا بس البارحة خالد مانام بالبيت طلع لبيت العلوية اتصلت بيك رادتو نام عدهم
كالتلو تعال بحجة مشتاگتلو
وهي سحبتو يمها تا تبررلو موقفها وگالتلو انه ما ارجع بعد خاف بالك انه اتصلت بيك تاترجعني
لا بس تا اححيلك الي صار
...اي بالعافية ...الله ياخذني واخلص منكم نفر نفر
....شبيج يمصگوعة شو انتي مثل الضر...ة الي عالغفلة
بساع اطنكرين
...مابيي شيي...بس انتم عائله تعل القلب
فتت للغرفة واني دمي احسه يغلي
العلوية ماصبرت يطلع الصبح ماتحملت
متكول صار شهور ماشايف مرته
