إقامة جبرية
من مذكرات مريم
الجزء السادس والسبعون ...
انفتح باب الطارمة وطب خالد
..اريد انهزم واطب جوا
ماكدرت ....اعوف الجهال
اجه يتمشه وعينه عليا ...
طب واني دنكت سويت نفسي ملتهية مع الطفل
دحكتله شفته واكف متخصر يمي
رجعت دنكت
صاح حلاااااااا
...ها بابا ..
..تعااي بابا سويلي جاي....رفعت عيني اجت بعينه قريب مني وصافن بيا كبل ثولتها
طبت حلا ....كلت خل اكوم
...حلا بس عينكي عالولاد لان اغيد اقوم
خالد...كملي الجاي بابا اني اكضبهم
اجا تقرب مني كلش دنك اخذ الي بحضني وبحركة سريعة منه شمني من رگبتي
ابتعدت مااعرف شلون اكوم عصيت بين الحايط والميز
وهو كبالي ..اخذ مني الولد
...يول شبيك تبجي ...منو وياك يبعد الحيل والعافية.. زعلان مني اراضيك من اشتعلو عمامك عالهيج عيون ....سبتني سبي
تعالي حلا طببيهم لامهم..هذا شكله جثير زعلان
يبوية راح يشيب گلبي بدلاله
...اخذتهم واني ردت افوت ..
.
مريم صبيلي جاي ..
...خليت الاستكان عالكاونتر وهو اجه وكف وراي لزك
...احس ثولني ثول التفتت اريد اعاركه اكوله يبتعد
شفت عيونه تخزر
...اشرلي براسه ...طبي اريد احجي وياج..
..ماااغيد
...اي ادري متغيدين بس انه اغيد يبعدهم يله طبي
..قتولك لاااا
......ششششش يله چدامي ولا حرف
طببني للغرفة سمشي وراي طبينا وسد الباب
عليش تسدو
...ول لتيبسين راسج ..يوجع گلبي ..بس دحگيلي
...مااغيد ادحق عليكااا اصلا ولا اغيد احكي معاكااا
دحكتله واكف ويحجي بكل جدية
...رحمي بحالي يولي ... عليكاا ومعاكااا بجملة وحدة مخفتي ربج بيا..يول مكلتي هذا برگبته عيال.
دفعته من صدره وردت اطلع
لزمني من خصري ويهمس بأذني
هدي احاااجيج.. هدي تانتفاهم
..عوووفني مااغيدددك
شافني مصره اطلع فسحلي المجال
وقبل لاافتح الباب گالي :
...حضريلي ملابسي عگب باجر التحاقي
حجاها وتمدد وفتح موبايله بعد اهتمام ..واني تصنمت بمكاني
....انت ماقلت ماعوفكي وماالتحق ...؟؟؟
....شسوي اجه الامر ولازم التحق
