Chapter 69
လေလံပွဲတစ်ခုလုံး တိတ်ဆိတ်နေ၏။
အင်မော်တယ်ကျင့်ကြံခြင်းဂိုဏ်းများမှာ အများအားဖြင့် စိတ်ဝိညာဉ်ကျောက်တုံးများ၊ ဆေးများ၊ လက်နက်များသာ အသုံးပြုလေ့ရှိပြီး ပိုက်ဆံကို အခြေခံပစ္စည်းများ ဝယ်ယူအသုံးပြုရန် အနည်းငယ်သာ ဆောင်ထားလေ့ ရှိပါသည်။
ထို့ကြောင့် အနီးအနားရှိဂိုဏ်းများမှ စီမံအုပ်ချုပ်နေခြင်းလည်း ဖြစ်သည်။
အမြတ်ငွေ၏ ၄၀ ရာခိုင်နှုန်းကို တော်ဝင်နန်းတော်သို့ ပေးရပြီး ၆၀ ရာခိုင်နှုန်းအား ထိုဂိုဏ်းသို့ ပေးရပါသည်။
ဂိုဏ်း၏ အဓိကဝင်ငွေမှာလည်း ထိုသို့ရရှိခြင်းသာ ဖြစ်၏။ မဟုတ်လျှင် အသုံးပြုစရာရှိမည် မဟုတ်ပါ။
ယန်စီရင်စုထဲတွင် ပင်လယ်မြို့မှာ မြို့ကြီးထဲပါပြီး အဆင့် (၁၀) ထဲပင် ဝင်၏။
ထို့ကြောင့် နှစ်စဉ် (၆၀) ရာခိုင်နှုန်း ရသည်နှင့်ပင် အလွန် အကျိုးများနေလေပြီ။
ထို့ကြောင့် (၁၀) နှစ် အုပ်ချုပ်ခွင့်မှာ ဆိုဖွယ်ရာ မရှိတော့ပေ။
လက်နက်လေးတစ်ခုအတွက် အဲ့လောက်လုပ်ဖို့ လိုလို့လား။
“လေလံအောင်သွားပါပြီ”
ကျန်ဂိုဏ်းများမှာ အံ့ဩမှင်တက်နေသော်လည်း ဘာမှ မတတ်နိုင်ပေ။
အင်မော်တယ်နှိမ်နင်းဂိုဏ်း၏ ကမ်းလှမ်းမှုမှာ မိုးကောင်းကင်တမျှ ကြီးမား၏။
“ကြည့်ရတာ… နတ်ဆိုးနဲ့ ပူးပေါင်းနေတာတော့ မဟုတ်တော့ဘူး ထင်တယ်”
အကြီးအကဲယုချန် မျက်မှောင်ကြုတ်ကာ ပြောလိုက်သည်။
ထိုလက်နက်သာ နတ်ဆိုးအပိုင်ဖြစ်ပြီး သူတို့နှင့် ပတ်သက်နေပါက ဤမျှဈေးကြီးပေးကာ ဝယ်မည် မဟုတ်ပေ။
ထိုစဉ် ကျူးရီမင်က
“အားလုံးပဲ။ ကျွန်တော် ပစ္စည်းပိုင်ရှင်နဲ့ အခုပဲ အဆက်အသွယ် ရခဲ့ပါတယ်။ သူက ပိုက်ဆံနဲ့ ဘဏ်စာရင်းပဲ လက်ခံပါမယ်တဲ့။ တခြားအစားထိုး ပစ္စည်းတွေ မယူဘူးလို့ ပြောပါတယ်။ အဲ့တာကြောင့် လူကြီးမင်းတို့လည်း လက်နက်ဝယ်မယ်ဆိုရင် ငွေကြေး ဖြစ်ရပါမယ်”
YOU ARE READING
စွမ်းအားကြီးလှသော ဆရာဦးလေး
Fantasíaမူရင်းရေးသူ - Heng Sao Tian Ya ဘာသာပြန် - ထူးတင့်နန္ဒာ ဒါလည်း ခွင့်ပြုချက်မတောင်းထားပါဘူး။ ကျွန်တော် ဖတ်ရင်း နဲ့ တင်မှာဖြစ်ပါတယ်။ admin လာပြောရင် ဖျက်ပေးပါ့မယ်။ start date-4•5•2024(sat) end date -
