စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၂၁)
akyiphyu
***a***k**y***i**p**h**y*** u***
လရိပ်နွေးခပ်မြန်မြန်ရုန်းထွက်လိုက်သည်ကို ကျော်ဇင်ဦးကသတိထားမိပုံမရဘဲ စိုးရိမ်တကြီးနှင့်မေးလာလေသည်။
" မမလေး နေကောင်းရဲ့လား ..ကော်ဖီသောက်လို့်ဖြစ်ပါ့မလား "
" ရပါတယ် ....အိပ်ရေးပျက်ပြီး ခေါင်းထဲနောက်နေတာပါ ...ကော်ဖီသောက်လိုက်ရင် လန်းသွားလိမ့်မယ် "
ကျော်ဇင်ဦးကို ပြန်ဖြေလိုက်ရင်း သူမလက်ကိုဆုပ်ကိုင်ထားဆဲဖြစ်သော ကျော်ဇင်ဦး၏လက်ကို တွန်းထုတ်ပစ်လိုက်မိသည်။
" ဟာ ....တောင်း..တောင်းပန်ပါတယ် မမလေး..ကျွန်တော်က မမလေး လဲသွားမှာစိုးလို့် ကိုင်ထားလိုက်မိတာပါ "
ကျော်ဇင်ဦးက ပျာပျာသလဲတောင်းပန်လေသည်။
" ရပါတယ်...စေတနာနဲ့ထိန်းပေးတာကို အစ်မသိပါတယ်... "
ကျော်ဇင်ဦးကို အလိုက်သင့်ပြန်ပြောလိုက်ရင်း ကော်ဖီဆိုင်လေးထဲသို့ လရိပ်နွေးဝင်ခဲ့လိုက်သည်။ ကော်ဖီဆိုင်လေးက ကျော်ဇင်ဦးပြောသလိုပင် အေးအေးချမ်းချမ်းနှင့်စိတ်ကူးယဉ်ချင်စရာပုံစံမျိုးလေးဖြစ် သည်။ဆိုင်ထဲသို့ရောက်သောအခါ စုံတွဲတော်တော်များများရှိနေတာမို့ လူရှင်းသော ထောင့်တစ်နေရာမှာဝင်ထိုင်လိုက်သည်။
" မင်းလဲ ထိုင်လေ "
သူမကိုခုံနေရာအထိလိုက်ပို့ပေးပြီး အပြင်သို့ပြန်ထွက်ရန်ပြင်နေသော ကျော်ဇင်ဦးကို ခေါ်လိုက်သည်။
" ရပါတယ် မမလေး..မမလေးအေးဆေးဆေးဆေးတွေးချင်ရာတွေးလို့ရအောင် ...တစ်ယောက်တည်းထိုင်ပါ ..ကျွန်တော်က ဟိုဘက်ကခုံမှာပဲ ထိုင်နေလိုက်မယ် "
" ကျေးဇူးပါနော် "
ကျော်ဇင်ဦး၏ အလိုက်သိမူကို လရိပ်နွေးကျေဇူးတင်စကားပြောလိုက်မိသည်။ဘာပဲဖြစ်ဖြစ် ခုရက်ပိုင်းထဲမှာ လရိပ်နွေးစိတ်ညစ်နေလျှင် ကျော်ဇင်ဦးက စိတ်အပန်းပြေစရာနေရာများနှင့် အစားအသောက်ကောင်းသောနေရာများကို ရှာဖွေပြီး လိုက်ပို့ပေးတတ်တာကြောင့် ကျော်ဇင်ဦးကို စိတ်ထဲမှ ကျေးဇူးတင်လိုက်မိသည်။
YOU ARE READING
မာယာမိုးတိမ်
Romanceအစ်ကိုအရင်းဖြစ်သူနဲ့မသင့်မမြတ်ဖြစ်ပြီးမိသားစုနဲ့ဝေးရာကိုထွက်ပြေးချင်နေတဲ့နေသစ်ညီ မိသားစုလိုခံယူထားတဲ့သူတွေဆီကနေ ယုတ်မာရက်စက်ထဲအပြုအမူတွေနဲ့ကြုံလိုက်ရတဲ့အခါမှာ ယုတ်မာရက်စက်တဲ့ မိထွေးဖြစ်သူကို လက်စားပြန်ချေဖို့အဆုံးဖြတ်လိုက်တဲ့သူမ
