စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း( ၅၉) (ဇာတ်သိမ်းပိုင်း )
akyiphyu
***a***k**y***i**p**h**y*** u**
" အနိုင်ရရှိသူကတော့ ကိုနေသစ်ညီဖြစ်ပါတယ်..အမှတ်တစ်ရာမှာ ..ကိုးဆယ့်ငါးမှတ်နဲ့အနိုင်ရရှိခဲ့ပါတယ် "
ကြေငြာသံအဆုံးမှာ လက်ခုပ်သံများဆူညံစွာထွက်ပေါ်လာခဲ့လေသည်။ဒေါ်ခင်သစ္စာနှင့် လရိပ်နွေးတို့ ဝမ်းသာပျော်ရွှင်ကာ တစ်ယောက်ကိုတစ်ယောက်ဖက်လိုက်မိကြသည်။
" မတရားဘူး..ဒါက .တမင် လုပ်ကြံထားတာ .မကျေနပ်ဘူး..သူ့ဒီဇိုင်းနဲ့ ကျွန်တော့်ဒီဖိုင်းက ဘာကွာနေလို့လဲ ....သူ့ရဲ့ ပရိဘောဂဒီဇိုင်းတွေကရော ...ဘာတွေသာနေလို့လဲ ကျွန်တော်နဲတူတူပဲမဟုတ်လား "
နေထူးထိုက်သည် အစီအစဉ်ကြေငြာသူလက်ထဲမှ မိုက်ကိုဆွဲယူလိုက်ပြိး အော်ဟစ်လိုက်သည်။သားဖြစ်သူ၏ အပြုအမူကြောင့် ဦးနေထိုက်သည်ထိုင်နေရာမှထလိုက်ပြီး သားဖြစ်သူကိုလှမ်းကြည့်လိုက်သည်။
" ဒါက ..ရှယ်ရာရှင်တွေနဲ့ပညာရှင်တွေအားလုံးရဲ့ဆုံးဖြတ်ချက်ပဲ နေထူးထိုက်...ဘာကြောင့် ဘယ်သူကအမှတ်ပိုရလဲဆိုတာကို... အား လုံးကို ဒီဇိုင်းမူကြမ်းတွေပြပေးမှာပါ ..နေရာမှာပြန်ထိုင်လိုက်ပါ "
ဖခင်ဖြစ်သူ၏ စကားကြောင့် နေထူးထိုက်သည် နေရာမှာ မကျေမနပ်နှင့် ပြန်ထိုင်လိုက်သည်။နေထူးထိုက်တစ်ယောက် သူ့နေရာတွင် သွားပြန်ထိုင်လိုက်ပြီးနောက်တွင် ရွေးချယ်ခံရသောနေသစ်ညီတို့၏ ဒီဇိုင်းနှင့် နေထူးထိုက်တို့၏ ဒီဇိုင်းကို ယှဉ်တွဲပြသလေသည်။
နေထူးထိုက်သည် နေသစ်ညီတို့အဖွဲ့၏ ခေတ်မှီဆန်းသစ်လှသော အိမ်ရာဒီဇိုင်းနှင့်အတူ လိုက်ဖက်လွန်းလှသော အိမ်တွင်းပရိဘောဂဒီဇိုင်းများကိုကြည့်ပြီး အံ့ဩမင်သက်နေမိလေသည်။နေသစ်ညီတို့ ပြိုင်ပွဲဝင်ထားသော ပရိဘောဂဒီဇိုင်းများသည် သူ့ကိုငွေနှင်းစက်ပေးထားသော ဒီဖိုင်းများထက်ပို၍ပြည့်စုံပြီး လှပဆန်းသစ်သော ဒီဇိုင်းများဖြစ်နေသည်ကိုတွေ့လိုက်ရလေသည်။နေထူးထိုက်အံ့ဩတုန်လှုပ်ကာ လရိပ်နွေးကိုလှမ်းကြည့်လိုက်မိလေသည်။ဤမျှလောက် ဒုက္ခသောကများဖြစ်နေသည့်ကြားမှ သူမသည်ဤမျှခေတ်မီဆန်းသစ်သော ပရိဘောဂဒီဇိုင်းများကိုလုပ်နိုင်သည့်အစွမ်းကိုတော့ နေထူးထိုက်မုန်းတီးစွာနှင့်ပင် အံ့ဩချီးကျူးလိုက်မိလေသည်။
YOU ARE READING
မာယာမိုးတိမ်
Romanceအစ်ကိုအရင်းဖြစ်သူနဲ့မသင့်မမြတ်ဖြစ်ပြီးမိသားစုနဲ့ဝေးရာကိုထွက်ပြေးချင်နေတဲ့နေသစ်ညီ မိသားစုလိုခံယူထားတဲ့သူတွေဆီကနေ ယုတ်မာရက်စက်ထဲအပြုအမူတွေနဲ့ကြုံလိုက်ရတဲ့အခါမှာ ယုတ်မာရက်စက်တဲ့ မိထွေးဖြစ်သူကို လက်စားပြန်ချေဖို့အဆုံးဖြတ်လိုက်တဲ့သူမ
