စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၃၃)
akyiphyu
***a***k**y***i**p**h**y*** u**
" ပြောရမယ်ဆိုရင် ...အိမ်မှာပြန်မနေဖြစ်တာ နှစ် (၂၀) နီးပါးလောက်ရှိနေပြီ....မိသားစုကိုသတိရရင်တော့...ခဏတဖြုတ်လာကြည့်လိုက်တယ်.... ကိုယ်ဆယ်တန်းအောင်တော့ အဘွားကတိုက်ခန်းတစ်ခန်းပေးတယ်လေ....အဲ့ဒီတိုက်ခန်းမှာတစ်ခါတလေတော့ အမေလာနေတယ်...ဒီအခန်းထဲမှာက... နာကျင်စရာအမှတ်တရတွေအများကြီးရှိတယ်လေ .."
နေသစ်ညီက သူ့အကြောင်းကိုစိတ်လိုလက်ရပြောလိုက်ရင်းမှ ခုတင်ပေါ်သို့ ခြေပစ်လက်ပစ်လှဲချလိုက်သည်။
" ဟူး....ပင်ပန်းလိုက်တာကွာ .....တစ်ယောက်ယောက်နဲ့ယှဉ်ပြိုင်နေရတာ တကယ်မလွယ်ဘူး...လူလဲပန်းသလိုစိတ်လဲပန်းတယ်..ညကလဲအိပ်တာနောက်ကျသွားတယ်ကွာ..လရိပ်ရောအိမ်မှာ အိပ်ရေးဝဝအိပ်ရရဲ့လား "
" ဟုတ်ကဲ့ ....အိပ်ရပါတယ်....ပိုပြီးစိတ်ချရအောင်....တံခါးရှေ့မှာ ခုံကိုချထားလိုက်တယ်လေ "
" ဖြစ်မှဖြစ်ရလေကွာ "
နေသစ်ညီစိတ်မကောင်းစွာရေရွတ်လိုက်မိလေသည်။
" ကိုယ်တို့တွေမနက်ဖြန်ကျရင် ....ပရိဘောဂစက်ရုံကိုသွားမယ်နော် .....မနက်စောစောပဲလာခေါ်လိုက်မယ် ....မနက်စာကို အပြင်မှာစားကြတာပေါ့ "
" ဟုတ်ကဲ့ပါ ကိုနေ "
" လာရိပ် ပျင်းနေရင်စာဖတ်ချင်ဖတ်လေ ....ကိုယ်လဲစာရင်းလေး နည်းနည်းလောက်စစ်လိုက်အုံးမယ် "
" ရပါတယ်ကိုနေ...ကိုနေဘာသာအေးဆေးစာရင်းလုပ်ပါ...လရိပ်နေတတ်ပါတယ်....လရိပ်ကိုအားနာစရာမလိုပါဘူး..ကိုနေလုပ်စရာရှိတာကိုလုပ်ပါ "
" ကျေးဇူးပါနော် လရိပ် "
လရိပ်နွေးကိုကျေးဇူးတင်စကားပြောလိုက်ပြီး နေသစ်ညီလက်တော့ကိုဖွင့်လိုက်သည်။
~~~~ a~~~k~~~y~~i~~~p ~~h~~y~~u~~
" ဟယ်တော့ ''
နေသစ်ညီထံမှ ဘာသံမျှမကြားရဘဲ တိတ်ဆိတ်လွန်းနေသောကြောင့် လရိပ်နွေးအမှတ်တမဲ့ လှည့်ကြည့်လိုက်မိသောအခါ လက်တော့ကို ဘေးတွင်ချလျက် အိပ်ပျော်နေသောနေသစ်ညီကိုတွေ့လိုက်ရလေသည်။ကလေးတစ်ယောက်လိုအပူပင်ကင်းကင်းနှင့်အိပ်ပျော်နေသော နေသစ်ညီကို လရိပ်နွေးအတန်ကြာငေးကြည့်နေမိလေသည်။ဟိုယခင်ကဆိုလျှင် လရိပ်နွေးသည်လည်း အိပ်ချင်လာလျှင် အိမ်ရဲ့ဧည့်ခန်းထဲမှာပဲဖြစ်ဖြစ် ပန်းခြံထဲမှဒန်းခုံပေါ်မှာပဲဖြစ်ဖြစ် စိတ်လွတ်လက်လွတ်အိပ်နိုင်ခဲ့သည်။ယခုမူ လော့ချထားသောအခန်းထဲမှာပင်လျှင် အိပ်ရသည်မှာလုံခြုံမှုမရှိသောကြောင့် နှစ်နှစ်ခြိုက်ခြိုက်အိပ်မပျော်နိုင်ခဲ့သည်မှာ ရက်အတန်ကြာနေခဲ့လေပြီ။
နေသစ်ညီကိုကြည့်ရင်း လာရိပ်နွေးထိုင်နေရာမှထလိုက်ပြီး နေပူထိုးနေသော မှန်ပြတင်းပေါက်မှလိုက်ကာကိုဆွဲပိတ်လိုက်သည်။
YOU ARE READING
မာယာမိုးတိမ်
Romanceအစ်ကိုအရင်းဖြစ်သူနဲ့မသင့်မမြတ်ဖြစ်ပြီးမိသားစုနဲ့ဝေးရာကိုထွက်ပြေးချင်နေတဲ့နေသစ်ညီ မိသားစုလိုခံယူထားတဲ့သူတွေဆီကနေ ယုတ်မာရက်စက်ထဲအပြုအမူတွေနဲ့ကြုံလိုက်ရတဲ့အခါမှာ ယုတ်မာရက်စက်တဲ့ မိထွေးဖြစ်သူကို လက်စားပြန်ချေဖို့အဆုံးဖြတ်လိုက်တဲ့သူမ
