#لمسات_بيانيه {وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ وَكَانُوا فِيهِ مِنَ الزَّاهِدِينَ }.. بثمن بخس .. أي بسعر منقوص..يعني كان ممكن قول ثمن مبخوس ..بس لما تجيب المصدر بتكون اقوى وأبلغ .. نفس الشي عند ذِكر (بدمٍ كَذِب ) مش (بدم كاذب ) .. زي لما بدك تحكي عن حد قديش هو كذّاب بتقوم بتقول: هو مش بس كذاب !! هو الكذب نفسه !!.. انما اللي أكيد .. انه أي مبلغ رح يتم دفعه رح يكون (ثمن بخس) .. يعني بيظلموه بهيك رقم .. لأنه نبي .. والانبياء لا يقدروا بثمن..!! دراهم معدوده .. معدوده هنا هي جمع تكسير يدل على الكثره (معدودات: الجمع السالم يدل على القله..،أقل من ١١)...ومع ان الدراهم كانت كثيره الا انها كانت قابله للعد(في التفاسير بين ٢٠و ٤٠) ... الزهد هو قله الرغبه بالشيء ..بإختصار الجماعه ما صدقوا ويبيعوه بأي ثمن !! بضاعه مسروقه (أسرّوه بضاعه أي اخفوه )!! بدهم يلحقوا يبيعوه قبل ما حد من أهله يسأل عنه !!.. هذا وسيدنا يوسف هو اللي الله عز وجل أعطاه جمال أخّاذ ..شطر الحسن أي نصفه.. اكيد كان الجمال مبيّن عليه من صغره !!. مع هيك اول واحد اجى يشترى باعوه بدهم يخلصوا منه ..!!مش عارفين انه هذا هو الكريم ابن الكريم ابن الكريم ابن الكريم..يوسف ابن يعقوب ابن اسحق ابن ابراهيم ..عليهم السلام اجمعين ..
