#لمسات_بيانيه {قَالَ اجْعَلْنِي عَلَى خَزَائِنِ الْأَرْضِ إِنِّي حَفِيظٌ عَلِيمٌ} يااااه كم انت عظيم ايها النبي.. لما قال له الملك انت عندي من حاشيتي وخاصتي.. شو عمل ؟؟ سجد له شكر؟؟؟ لا طبعاً .. فهو لا يسجد الا لله الواحد الاحد.. قال له :سيدي انا خادمك الامين وتذلل له؟؟؟ أبداً .. بالعكس قال له : اجعلني على خزائن الارض..خليني عندك وزير الماليه .. انا عارف شو رح يصير .. من مجاعه وفقر وبهدله .. وعارف انه لما تيجي سنين الخير لازم نحوّش ونخبي لليوم الاسود .. وما نسرف ونخزن محصول كافي منلاقيه عند الشده .. انا عارف احتمالات النفس البشريه والفساد اللي رح يصير والرشاوي عشان نعطي هااااد ونحرم هذااااك .. انا عارف شو اللي رح يصير وشو اللي لازم ينعمل عشان ما يصير .. انا الحفيظ على الاموال وانا العالم بكيف نزبط الاحوال والامور الصعبه اللي رح تواجهها البلد في المستقبل القريب....كانت شجاعه منه انه يطلب هيك طلب ..ما كان فارق معه الملك يكون عادل ولا لأ؟؟ ابدا مش مهم .. المهم هو مسؤول عن عمله .. وشايف انه بإيده ينقذ احوال الامه عشان هيك تقدم للعمل هذا .. زكّى نفسه مزبوط .. يعني رشّح حاله.. انما مش عشان جاه ولا سلطان .. لانه هو قد المسؤوليه .. يااااه لو يكتروا اللي امثاله في الامه ..!!!
